- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
جنیوا سے چلنے والی پاکستان مخالف مہم کو فنڈنگ بھارت کر رہا ہے، دفترخارجہ
اسلام آباد: ترجمان دفترخارجہ نفیس زکریا کا کہنا ہے کہ گزشتہ چند برسوں میں پاکستان مخالف مہمات جاری ہیں اور بھارت ان میں براہ راست ملوث رہا ہے اب بھی جنیوا میں پاکستان مخالف مہم چلانے والی بلوچستان ہاؤس نامی نام نہاد تنظیم کی فنڈنگ بھارت نے ہی کی ہے۔
اسلام آباد میں اپنی ہفتہ وار بریفنگ میں ترجمان دفترخارجہ نفیس زکریا کا کہنا تھا کہ مقبوضہ کشمیر میں بھارتی مظالم کا تسلسل جاری ہے گزشتہ جمعے کو کشمیریوں کو نماز جمعہ ادا نہیں کرنے دی گئی جب کہ مزید 4 معصوم شہریوں کو بھی شہید کردیا گیا بین الاقوامی برادری وادی میں بھارتی مظالم کا نوٹس لے۔
اس خبرکوبھی پڑھیں: بھارت خطے میں امن کا ضامن نہیں ہوسکتا، دفتر خارجہ
ترجمان کا کہنا تھا کہ بھارت مقبوضہ میں کشمیر میں دہشت گردی میں ملوث ہے اور اپنے ہمسایوں میں بھی ریاستی دہشت گردی کررہا ہے گزشتہ چند برسوں میں پاکستان مخالف مہمات جاری ہیں اور بھارت ان میں براہ راست ملوث رہا ہے، پاکستان بالخصوص بلوچستان میں تخریب کاری کی کارروائیوں میں بھارت کا ہاتھ رہا ہے جو دوسرے ممالک کے ذریعے پاکستان میں عدم استحکام اور دہشت گردی پھیلا رہا ہے، بھارتی خفیہ ایجسی را ک ایجنٹ کلبھوشن یادو اور تحریک طالبان کے ترجمان احسان اللہ احسان کے بیانات ہمارے مؤقف کی تائید ہیں۔
اس خبرکوبھی پڑھیں: بھارت افغانستان کی سرزمین پاکستان کے خلاف استعمال کر رہا ہے
نفیس زکریا نے کہا کہ بھارتی وزیراعظم کے بلوچستان کے حوالے سے بیان کے بعد پاکستان مخالف کارروائیوں میں مزید تیزی آئی اور اب جنیوا میں بھی پاکستان مخالف مہم شروع کردی گئی ہے، بلوچستان ہاؤس نامی نام نہاد تنظیم کی فنڈنگ بھارت نے ہی کی ہے۔ انہوں نے کہا کہ گزشتہ ہفتے چاپانی وزیراعظم کے دورہ بھارت کے مشترکہ اعلامیہ پر مایوسی ہوئی اور جاپان کی جانب سے بھارتی بیان کی حمایت قابل افسوس ہے، پاکستان ایک اسلامی جمہوریہ ہے جہاں اقلیتوں کے حقوق کی پاسداری کی جاتی ہے اور پاکستانی عدلیہ بھی اپنا فعال کردار ادا کررہی ہے۔
اس خبرکوبھی پڑھیں: پاکستان بھارتی ریاستی دہشت گردی کا شکار ہے
ترجمان دفتر خارجہ نفیس زکریا کا کہنا تھا کہ وزیراعظم شاہد خاقان عباسی ان دنوں امریکا کے دورے پر ہیں جہاں وہ اقوام متحدہ کی جنرل اسمبلی سے خطاب کریں گے اس کے علاوہ وزیراعظم کی متعدد ممالک کے سربراہان سمیت امریکی نائب صدر مائیک پینس سے ملاقاتیں ہوئیں جو مثبت رہیں ۔ ان کا کہنا تھا کہ اقوام متحدہ کی جنرل اسمبلی کے اجلاس میں وزیراعظم اور وزیرخارجہ کی بھارتی قیادت سے ملاقاتوں کا امکان نہیں کیوں کہ بھارتی وزیراعظم نریندرمودی اجلاس میں موجود نہیں۔
اس خبرکوبھی پڑھیں: سوئٹزرلینڈ میں پاکستان مخالف سرگرمیوں پر سوئس سفیر کی دفترخارجہ طلبی
پاک افغان سرحد کے قریب امریکی ڈرون حملے کی مذمت نہ کرنے پر سابق وزیرداخلہ چوہدری نثار کے بیان پر ترجمان کا کہنا تھا کہ پاکستانی وزارت دفاع اور داخلہ نے ڈرون حملے کی تصدیق نہیں کی اور جب تک کوئی تصدیق نہیں ہوجاتی وزارت خارجہ کسی واقعے کی مذمت نہیں کرتا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔