- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
بھارت نے مقبوضہ کشمیر میں لاپتہ نوجوانوں کی اجتماعی قبروں کا اعتراف کرلیا
سری نگر: بھارت کے سرکاری انسانی حقوق کمیشن نے مقبوضہ کشمیر میں 2 ہزار سے زائد گمنام قبروں کی موجودگی کا اعتراف کرتے ہوئے حکومت پر 6 ماہ میں تحقیقات کے لیے زور دیا ہے۔
الجزیرہ کی رپورٹ کے مطابق مقبوضہ کشمیر میں لاپتہ افراد کے والدین کی تنظیم (اے پی ڈی پی) نے سرکاری انسانی حقوق کمیشن کو بتایا کہ مقبوضہ کشمیر میں ایل او سی کے قریب 3 ہزار 844 گمنام قبریں موجود ہیں۔ ان میں سے 2 ہزار 717 قبریں پونچھ اور ایک ہزار 127 راجوڑی میں ہیں۔
بھارتی کمیشن نے 2080 قبروں کی موجودگی کو تسلیم کرتے ہوئے حکومت پر 6 ماہ میں جامع تحقیقات کے لیے زور دیا ہے۔ کمیشن نے کہا کہ حکومت قبر کشائیاں کرکے ان میں موجود لاشوں کے ڈی این اے ٹیسٹ کرے اور پھر لاپتہ افراد کے اہل خانہ سے ان کا موازنہ کرے۔
لاپتہ افراد کے والدین کی تنظیم کا کہنا ہے کہ مقبوضہ کشمیر میں مجموعی طور پر 8 ہزار سے زائد افراد لاپتہ ہیں اور قابض افواج جعلی مقابلوں میں بے گناہ کشمیریوں کو شہید کردیتی ہیں۔ اے پی ڈی پی نے سرکاری کمیشن کی تحقیقات کے مطالبے کا خیر مقدم کرتے ہوئے کہا کہ اس طرح بھارتی حکومت نے گمنام قبروں کی موجودگی کا اعتراف کرلیا ہے۔
کشمیر میڈیا سروس کے مطابق بھارتی فوج بے گناہ کشمیریوں کو شہید کرکے انہیں خاموشی سے دفن کردیتی ہے۔ واضح رہے کہ جولائی 2008 کو یورپی پارلیمنٹ نے قرارداد منظور کرکے بھارت پر مقبوضہ کشمیر میں تمام اجتماعی قبروں کی آزاد تحقیقات کرانے زور دیا تھا۔
علاوہ ازیں مقبوضہ کشمیر میں بھارتی فوج نے کپواڑہ میں فائرنگ کرکے ایک نوجوان کو شہید کردیا۔ بھارتی فوج نے دعویٰ کیا کہ نوجوان عسکریت پسند تھا جو مقابلے میں شہید ہوگیا۔ ادھر پلوامہ میں پولیس قافلے پر عسکریت پسندوں کے حملے میں دو بھارتی پولیس اہلکار زخمی ہوگئے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔