- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں کوئی ابہام یا شک ہوا تو اس فائدہ بیوی کو دیا جائےگا، سپریم کورٹ
- نند کو تحفہ دینے کا سوچنے پر ناراض بیوی نے شوہر کو قتل کردیا
- نیب کا قومی اسمبلی سیکریٹریٹ میں غیر قانونی بھرتیوں کا نوٹس
- رضوان کی انجری سے متعلق بڑی خبر سامنے آگئی
- بولتے حروف
- بغیر اجازت دوسری شادی؛ تین ماہ قید کی سزا معطل کرنے کا حکم
- شیر افضل کے بجائے حامد رضا چیئرمین پبلک اکاؤنٹس کمیٹی نامزد
- بیوی سے پریشان ہو کر خودکشی کا ڈرامہ کرنے والا شوہر زیر حراست
- 'امن کی سرحد' کو 'خوشحالی کی سرحد' میں تبدیل کریں گے، پاک ایران مشترکہ اعلامیہ
- وزیراعظم کا کراچی کے لیے 150 بسیں دینے کا اعلان
- آئی سی سی رینکنگ؛ بابراعظم کو دھچکا، شاہین کی 3 درجہ ترقی
- عالمی و مقامی مارکیٹ میں سونے کی قیمت میں اضافہ
- سویلین کا ٹرائل؛ لارجر بینچ کیلیے معاملہ پھر پریکٹس اینڈ پروسیجر کمیٹی کو بھیج دیا گیا
- رائیونڈ؛ سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
- پنجاب؛ بےگھر لوگوں کی ہاؤسنگ اسکیم کیلیے سرکاری زمین کی نشاندہی کرلی گئی
- انٹرنیشنل ہاکی فیڈریشن نے پی ایچ ایف کے دونوں دھڑوں سے رابطہ کرلیا
- بلوچ لاپتا افراد کیس؛ معلوم ہوا وزیراعظم کے بیان کی کوئی حیثیت نہیں، اسلام آباد ہائیکورٹ
- چوتھا ٹی20؛ رضوان کی پلئینگ الیون میں شرکت مشکوک
ماہرہ کی ’’ورنہ‘‘پر پابندی کے خلاف دپیکا کا ردعمل
ممبئی: بالی ووڈ کی ڈمپل گرل دپیکا پڈوکون نے پاکستانی اداکارہ ماہرہ خان کی فلم’’ورنہ‘‘پر پابندی عائد کیے جانے پر ردعمل کا اظہار کرتے ہوئے کہا ہے کہ افسوس کی بات ہے کچھ لوگ سینما کی طاقت کو نہیں سمجھتے۔
نامور بالی ووڈ اداکارہ دپیکا پڈوکون اورعالمی شہرت یافتہ پاکستانی اداکارہ ماہرہ خان اس وقت ایک ہی کشتی کی سوار ہیں۔ دپیکا کی فلم ’’پدماوتی‘‘ بھارت میں اور ماہرہ کی فلم’’ورنہ‘‘پرپاکستان میں پابندی کی تلوار لٹک رہی ہے۔ فلم پدماوتی اپنی شوٹنگ کے آغاز سے ہی مشکلات کا شکار ہے۔ ہندو انتہا پسندوں نے فلم کی ریلیز روکنے کی دھمکی دیتے ہوئے کہا ہے کہ ہدایت کار سنجے لیلا بھنسالی نے رانی پدماوتی کے کردار میں چھیڑ چھاڑ کی ہے اور ہم تاریخ کے ساتھ چھیڑ چھاڑ برداشت نہیں کریں گے جب کہ سنجے لیلا بھنسالی کئی بار وضاحت کرچکے ہیں کہ انہوں نے تاریخی حقائق کو مسخ نہیں کیا۔
اس خبرکوبھی پڑھیں: ’’ورنہ‘‘ پر پابندی
دوسری جانب ہدایت کار شعیب منصور اور ماہرہ خان کی فلم ’’ورنہ‘‘پر ریلیز سے صرف دو روز قبل پابندی عائد کردی گئی۔ سنسر بورڈ کا کہنا ہے کہ فلم کو زیادتی جیسے بولڈ موضوع اور قابل اعتراض ڈائیلاگز کے باعث روکا گیا ہے جب کہ فلم میں بتایا گیا ہے کہ کس طرح ریپ کو ہتھیار بناکرطاقت کے طور پر استعمال کیا جاسکتا ہے۔
بھارتی میڈیا کے مطابق دپیکا پڈوکون نے حال ہی میں دئیے گئے انٹرویو کے دوران ماہرہ خان کی فلم’’ورنہ‘‘ پر عائد ہونےوالی پابندی سے متعلق اپنی رائے کا اظہار کرتے ہوئے کہا کہ ’’لوگ فلموں کو دیکھے بغیر صرف سنی سنائی باتوں پر فوراً اپنا فیصلہ دے دیتے ہیں۔ افسوس کی بات یہ ہے کہ کچھ لوگ سینما کی طاقت کو نہیں سمجھتے کہ اس کے ذریعے دنیا میں کتنی تبدیلیاں لائی جاسکتی ہیں۔ سینما کے ذریعے دنیا بھر میں محبت پھیلائی جاسکتی ہے لیکن افسوس ہے کہ لوگوں کا ایک مخصوص گروہ اس بات کو تسلیم نہیں کرتا‘‘۔
اس خبرکوبھی پڑھیں: بھنسالی جوتوں کی زبان ہی سمجھتاہے
واضح رہے کہ اس سےقبل دپیکا پڈوکون نے ہندو انتہا پسندوں کی جانب سے فلم’’پدماوتی‘‘ کو دی جانے والی دھمکیوں اور ہدایت کار سنجے لیلا بھنسالی پر تشدد کرنےکے واقعے پر سخت ردعمل کا اظہار کرتے ہوئے کہا تھا کہ یہ سب کیا ہورہا ہے۔ بحیثیت قوم ہم کس جانب جارہے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔