بیٹے یا بیٹی کی پیدائش کے سوال پر میرا راجپوت کا مداح کو خوبصورت جواب

ویب ڈیسک  جمعـء 13 جولائی 2018
معلوم نہیں ہمارے گھر بیٹا ہوگا یا بیٹی اور اس بات سے ہمیں کوئی فرق نہیں پڑتا، میرا راجپوت فوٹو:فائل

معلوم نہیں ہمارے گھر بیٹا ہوگا یا بیٹی اور اس بات سے ہمیں کوئی فرق نہیں پڑتا، میرا راجپوت فوٹو:فائل

ممبئی: نامور بالی ووڈ اداکار شاہد کپور بہت جلد دوسرے بچے کے والد بننے والے ہیں ان کے گھر اس بار بیٹا ہوگا یابیٹی اس سوال پر ان کی اہلیہ میراراجپوت نے مداح کو خوبصورت جواب دیا ہے۔

اداکار شاہد کپور اورمیرا راجپوت کا شمار بالی ووڈ کی خوبصورت جوڑیوں میں ہوتا ہے، دونوں 2015 میں شادی کے بندھن میں بندھے تھے اور شادی کےایک سال بعد ایک خوبصورت سی بیٹی ان کی زندگی میں آگئی جس کا نام انہوں نے میشا رکھا اوراب شاہد کپور اورمیرا بہت جلد دوسرے بچے کے والدین بننے والے ہیں۔

اس خبرکوبھی پڑھیں: پیار میں کئی بار دھوکا کھایا

شاہد کپور کے مداح یہ جاننے کے لیے بے چین ہیں کہ اب ان کے پسندیدہ اداکار کے گھر بیٹا ہوگا یا بیٹی۔ یہی بات جاننے کے لیے مداح نے میرا سے انسٹاگرام پر پوچھا کہ اس بار آپ کے گھر بیٹا ہوگا یا بیٹی؟ جس پر میرا نے جواب دیتے ہوئے کہا مجھے معلوم نہیں کہ اس بار ہمارے گھر بیٹا ہوگا یا بیٹی اور اس بات سے ہمیں کوئی فرق نہیں پڑتا۔

واضح رہے کہ شاہد کپور اورمیراکی بیٹی میشا اگست میں دوسال کی ہوجائے گی۔ شاہد کپور اپنی بیٹی سے بہت محبت کرتے ہیں اورسوشل میڈیا پر اکثر اس کی تصاویر اور ویڈیوز شیئر کرتے رہتے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔