معصوم زینب کے قتل پر شوبز و کرکٹ ستارے بھی اشک بار

کراچی: قصور میں کمسن بچی زینب کے ساتھ زیادتی کے بعد قتل کے ایک اور واقعے نے پورے ملک سمیت شوبز اور کرکٹ ستاروں کو بھی ہلا کررکھ دیا۔

ماہرہ خان، ماورا حسین، حمزہ علی عباسی اور محمد حفیظ سمیت متعدد اداکاروں اور کرکٹرز نے ٹوئٹر پر شدید غم وغصے کا اظہار کیا ہے۔

نامور پاکستانی اداکار اور میزبان حمزہ علی عباسی نے فیس بک پر ننھی زینب کے لیے آواز بلند کرتےہوئے کہا کہ مجھے سمجھ نہیں آرہا اس لرزہ خیز واقعے کے بعد میں اپنے احساسات کن الفاظ میں بیان کروں۔

#JusticeForZainab…..As vocal as i am, I dont know how to put my feelings into words about this…. I really don't!

— Hamza Ali Abbasi (@iamhamzaabbasi) January 9, 2018

پاکستان کی صف اول کی اداکارہ ماہرہ خان نے ننھی زینب کے قتل پر شدید غم و غصے کا اظہار کرتے ہوئےکہا یہ سب کچھ  اس وقت تک بند نہیں ہوگا جب تک ہم ان حیوانوں اور قاتلوں کو عبرت کا نشان نہیں بنائیں گے۔

This will not stop till we don’t make examples out of these evil butchers! #JusticeForZainab

— Mahira Khan (@TheMahiraKhan) January 10, 2018

اس خبرکوبھی پڑھیں: قصور میں 8 سالہ بچی کا زیادتی کے بعد لرزہ خیز قتل

معروف سماجی شخصیت منیبہ مزاری بھی اس موقع پر چپ نہ رہ سکیں اور لکھا کہ 7 سال کی ننھی پری کے ساتھ زیادتی کا واقعہ انتہائی خوفناک ہے ہم آخر کس معاشرے میں رہ رہے ہیں۔

Horrific!!!
A 7-year old angel raped.
What kind of a society are we living in????#RIP little angel #JusticeForZainab pic.twitter.com/nMlPtPWQN6

— Muniba Mazari (@muniba_mazari) January 10, 2018

خوبرو پاکستانی اداکارہ ماورا حسین نے لکھا ’یا اللہ اس قدر ظلم اور جہالت‘ہم بحیثیت قوم بہت شرمندہ ہیں۔ صرف زینب کا واقعہ نہیں بلکہ یہاں نجانے کتنے زیادتی اور قتل کےواقعات ہیں جو انصاف کے منتظر ہیں۔

Ya Allah is qadar Zulm or Jahalat! We should truly truly be ashamed of ourselves as a Nation. What’s the point for #JusticeForZainab when there are countless Rape & Murder cases in line for justice? @pid_gov @GovtOfPunjab Devastated!

— MAWRA HOCANE (@MawraHocane) January 10, 2018

معروف ٹی وی اداکارہ نادیہ جمیل نے واقعے پر شدید غم و غصے کا اظہار کرتے ہوئے کہا کہ ننھی زینب کی لاش زیادتی کے بعد کوڑے دان سے برآمد ہوئی اس کے والدین عمرے کی ادائیگی کے لیے گئے ہوئے ہیں اور جب وہ واپس آئیں گے تو اپنی بچی کی تدفین کریں گے۔

Yes please!!! https://t.co/mYVdEJ9ywD

— Nadia Jamil (@NJLahori) January 10, 2018

قومی کرکٹر وہاب ریاض بھی اس واقعے پر بولنے سے خود کو روک نہ سکے اور لکھا کہ یقین کرنا مشکل ہے کہ یہ سب سچ ہے اور یہ سب ہمارے پاکستان میں وقوع پزیر ہوا ہے۔ انہوں نے خدا سے دعا کرتے ہوئے کہا کہ یا اللہ ننھی زینب کے گھر والوں کو صبر دے۔ میں بھی ایک باپ ہوں اور جب میں نے اس واقعے کے متعلق سنا مجھے بہت دکھ ہوایہ سب کیا ہوگیااور ہم اسے دوبارہ ہونے سے کیسے روک سکتے ہیں؟

I refuse to believe this can be true and this can happen in our Pakistan but the reality is different. Ya Allah give sabr to the parents. As a father just hearing about this has made me feel sick. What is happening? How can we stop this from ever happening again?#JusticeForZainab pic.twitter.com/TNVyh3RrIx

— Wahab Riaz (@WahabViki) January 10, 2018

کرکٹر محمد حفیظ نے بھی زینب کے لیے آواز اٹھاتے ہوئے کہا میں بھی ایک باپ ہوں  یہ سب دیکھنے کے بعد والدین پر کیا گزرتی ہے ہم سوچ بھی نہیں سکتے، انہوں نے زینب کے والدین سے اظہار تعزیت کرتے ہوئے کہا یہ واقعہ ہمارے معاشرے کے لیے سوچنے کا مقام ہے، حکومت کو اس واقعے پر ایکشن لینا چاہئےتاکہ ایسا کچھ دوبارہ نہ ہوسکے۔

https://twitter.com/MHafeez22/status/950986803976159232

قومی کرکٹر شعیب ملک نے بھی ننھی زینب زیادتی قتل کیس پر افسوس کا اظہار کرتے ہوئے کہا کہ اس واقعے کے بعد ان کے پاس الفاظ ختم ہوگئے ہیں معاف کیجئے گا ہم کس مقام پر کھڑے ہیں؟

Sickened, speechless and so so sorry. What have we become? pic.twitter.com/XKwLfXX1qv

— Shoaib Malik (@realshoaibmalik) January 10, 2018

محمد عامر نے کہا اس واقعے نے میرا دل توڑ دیا پریشان کن اور قابل نفرت عمل، ہم کس طرح کے معاشرے میں رہ رہے ہیں۔

https://twitter.com/iamamirofficial/status/950997111432073216

شاداب خان نے کہا ” میری دلی ہمدردیاں زینب اور ان کی فیملی کے ساتھ ہیں، ایسے مسائل پر قابو پانا اور ذمہ دار افراد کو پکڑنا چاہیے، ہمیں ایسے وحشیانہ جرائم کے خلاف متحد ہونا ہو گا، بچے اللہ تعالیٰ کا عظیم تحفہ ہوتے ہیں، وہ انسانیت میں ہر اچھے کام کیلیے کھڑے ہوتے ہیں، زینب کے ساتھ پیش آنے والا واقعہ انسانی المیہ ہے، ان کے خاندان کو پہنچنے والے دکھ کا اندازہ نہیں کر سکتا، ہمیں اس ظلم کے خلاف بولنا ہو گا، انصاف ہو کے رہتا ہے۔“

Children are Allah’s greatest gift. They stand for everything good in humanity, Zainab’s tragedy is humanity’s tragedy. Deeply saddened by it, can’t even imagine what her family is going through. We must speak up, justice has to prevail. #JusticeforZainab

— Shadab Khan (@76Shadabkhan) January 10, 2018

جنید خان نے کہا کہ ”ایک اور بچی کو درندگی کا نشانہ بنانے کی خبر سن کر دل ٹوٹ گیا، ابھی تک ذمہ داران کو گرفتار نہیں کیا جا سکا، سیاسی ایشوز کو پس پشت ڈالتے ہوئے ہمیں اس مسئلے کیلیے کھڑا ہونا ہو گا، مجرم کی پھانسی کیلیے اپنی آواز بلند کیجیے۔“

Heartbreaking to see another child become victim.
Unbelievable that no criminal has been arrested till now. Political issues should be set aside and all should join hands to find a solution for this. Raise your voice if you belive the criminals should be hanged#JusticeForZainab pic.twitter.com/ncuFKQLZ4X

— Junaid khan 83 (@JunaidkhanREAL) January 10, 2018