- ضمنی انتخابات میں پاک فوج اور سول آرمڈ فورسز کو تعینات کرنے کی منظوری
- خیبرپختوا میں گھر کی چھت گرنے کے واقعات میں دو بچیوں سمیت 5 افراد زخمی
- درجہ بندی کرنے کیلئے یوٹیوبر نے تمام امریکی ایئرلائنز کا سفر کرڈالا
- امریکی طبی اداروں میں نسلی امتیازی سلوک عام ہوتا جارہا ہے، رپورٹ
- عمران خان کا چیف جسٹس کو خط ، پی ٹی آئی کو انصاف دینے کا مطالبہ
- پہلی بیوی کی اجازت کے بغیر دوسری شادی، شوہر کو تین ماہ قید کا حکم
- پشاور میں معمولی تکرار پر ایلیٹ فورس کا سب انسپکٹر قتل
- پنجاب میں 52 غیر رجسٹرڈ شیلٹر ہومز موجود، یتیم بچوں کا مستقبل سوالیہ نشان
- مودی کی انتخابی مہم کو دھچکا، ایلون مسک کا دورہ بھارت ملتوی
- بلوچستان کابینہ نے سرکاری سطح پر گندم خریداری کی منظوری دیدی
- ہتھیار کنٹرول کے دعویدارخود کئی ممالک کو ملٹری ٹیکنالوجی فراہمی میں استثنا دے چکے ہیں، پاکستان
- بشریٰ بی بی کا عدالتی حکم پر شفا انٹرنیشنل اسپتال میں طبی معائنہ
- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا میں طوفانی بارشوں سے ہلاکتیں 59 ہوگئیں، 72 زخمی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
نازیبا زبان کا استعمال؛ پرویزخٹک کے حلقے کا نتیجہ مقدمے کے فیصلے سے مشروط
اسلام آباد: الیکشن کمیشن نے انتخابی مہم کے دوران نازیبا زبان کے استعمال پر پرویز خٹک کے انتخابی حلقے کے نتیجے کا نوٹی فکیشن اپنے فیصلے سے مشروط کردیا۔
ایکسپریس نیوزکے مطابق چیف الیکشن کمشنرسرداررضا کی سربراہی میں چاررکنی کمیشن نے مولانا فضل الرحمان، پرویزخٹک اورسردارایازصادق کی جانب سے انتخابی مہم کے دوران مخالفین کے خلاف نازیبا زبان کے استعمال کے معاملے پرسماعت کی۔
پرویزخٹک کی جانب سے الیکشن کمیشن میں بابراعوان پیش ہوئے۔ چیف الیکشن کمشنرنے ریمارکس دیئے کہ تحریک انصاف کے رہنما شرمناک کام کرنے کے بعد بابراعوان کوآگے کیوں کردیتے ہیں۔ جس پربابراعوان مسکرانے لگے۔ چیف الیکشن کمشنرنے بابر اعوان سے سوال کیا کہ پرویزخٹک نے پشتومیں تقریرکی کیا آپ نے سنی ہے؟ وہ ہنسنے کی نہیں رونے کی بات ہے۔ چیف الیکشن کمشنرنے ہدایت کی کہ پرویزخٹک بیان حلفی جمع کروائیں، الیکشن میں نتیجہ کچھ بھی ہواس مقدمے کے فیصلہ سےمشروط ہوگا۔
سماعت کے دوران سردارایازصادق کے وکیل سے مکالمے کے دوران چیف الیکشن کمشنر نے ریمارکس دیئے کہ آپ کو اپنے الفاظ پر ندامت تو ہونی چاہیے، ممبرخیبر پختونخوا نے سوال کیا کہ بطوراسپیکرانہوں نے ایسی زبان کیوں استعمال کی؟، جس پرایازصادق کے وکیل نے الیکشن کمیشن کویقین دہانی کرائی کہ ضابطہ اخلاق پرعمل درآمد کیا جائے گا، چیف الیکشن کمشنرنے ریمارکس دیئے کہ ہم آئندہ کیلئے یقین دہانی نہیں مانگ رہے، آگے بھی انہوں نے ایسا کیا توہم نوٹس لیں گے۔
الیکشن کمیشن کے روبرومولانا فضل الرحمان کے وکیل کامران مرتضیٰ پیش نہ ہوسکے، ان کے معاون وکیل نے کمیشن کے ارکان کوبتایا کہ مولانا فضل الرحمان کے وکیل کامران مرتضی کو تاخیر سے نوٹس موصول ہوا،اس لئے وہ پیش نہ ہوسکے۔
الیکشن کمیشن نے پرویز خٹک، ایاز صادق اور مولانا فضل الرحمان کے جواب مسترد کرتے ہوئے تینوں سیاسی رہنماؤں کو بیان حلفی جمع کرانے کا حکم دے دیا، سماعت 9 اگست کو ہوگی۔
واضح رہے کہ الیکشن کمیشن نے چیئرمین تحریک انصاف عمران خان کو بھی نازیبا زبان کے استعمال پر طلب کیا تھا لیکن ان کی جانب سے بھی وکیل پیش ہوئے جنہوں نے الیکشن کمیشن میں تحریری یقین دہانی جمع کرانے کی حامی بھری۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔