عمران خان کی تقریب حلف برداری کا دعوت نامہ موصول نہیں ہوا، عامر خان

ویب ڈیسک  جمعرات 2 اگست 2018
عامر خان کی جانب سے  کسی بھی قسم کا دعوت نامہ موصول ہونے کی تردید کی گئی ہے فوٹو:فائل

عامر خان کی جانب سے کسی بھی قسم کا دعوت نامہ موصول ہونے کی تردید کی گئی ہے فوٹو:فائل

ممبئی: بالی ووڈ اداکار عامر خان کا کہنا ہے کہ انہیں پاکستان کے متوقع وزیر اعظم عمران خان کی تقریب حلف برداری کا کوئی دعوت نامہ موصول نہیں ہوا لہٰذا وہ پاکستان نہیں جارہے۔

گزشتہ روز خبریں آئی تھیں کہ پاکستان تحریک انصاف کی جانب سے سابق بھارتی کرکٹرز نوجوت سنگھ سدھو، سنیل گواسکر، کپل دیواوراداکارعامر خان کو تقریب حلف برداری میں شرکت کا دعوت نامہ بھیجا گیا ہے تاہم اداکار عامر خان کی جانب سے انہیں کسی بھی قسم کا دعوت نامہ موصول ہونے کی تردید کی گئی ہے۔

اس خبرکوبھی پڑھیں: سدھو نے دعوت قبول کرلی

میڈیا رپورٹس کے مطابق ایک بھارتی ویب سائٹ سے بات کرتے ہوئے اداکار عامر خان نے انہیں دعوت نامہ موصول ہونے کی تردید کرتے ہوئے کہا ہے کہ میں عمران خان کی تقریب حلف برداری میں شرکت کے لیے پاکستان نہیں جارہا کیونکہ مجھےکوئی دعوت نامہ موصول نہیں ہوا۔

اس خبرکوبھی پڑھیں: عامر خان، عمران خان کی جیت کا جشن منانے پاکستان آئیں گے

واضح رہے کہ گزشتہ دنوں  سوشل میڈیا پرایک ویڈیو گردش کررہی تھی جس میں عامرخان عمران خان سے کہتے نظرآرہے ہیں کہ اگر آپ الیکشن جیت گئے تو میں آپ کی جیت کا جشن منانے پاکستان آؤں گا۔ لہذاپی ٹی آئی کےالیکشن جیتنے کے بعد پاکستانی اوربھارتی عوام کی جانب سے سوال پوچھا جارہاتھا کہ کیا عامر خان پاکستان آئیں گے؟

دوسری جانب سابق بھارتی کرکٹر اور سیاستدان نوجوت سنگھ سدھو نے پی ٹی آئی کی جانب سے دعوت نامہ موصول ہونے کی تصدیق کرتے ہوئے اعلان کیا ہے کہ وہ پاکستان ضرور جائیں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔