امیتابھ بچن کا ابھیشیک کی فلم دیکھ کر رد عمل دینے سے انکار

ویب ڈیسک  بدھ 12 ستمبر 2018
ابھیشیک بچن اور تاپسی پنوں کی فلم ’’من مرضیاں‘‘14 ستمبر کو ریلیز ہوگی۔

ابھیشیک بچن اور تاپسی پنوں کی فلم ’’من مرضیاں‘‘14 ستمبر کو ریلیز ہوگی۔

ممبئی: بالی ووڈ کے شہنشاہ امیتابھ بچن نے ابھیشیک بچن کی فلم ’’من مرضیاں‘‘ دیکھ کر ان سے بات کرنے سے انکار کردیا۔

تقریباً دو سال بالی ووڈ سے آؤٹ اداکار ابھیشیک بچن فلم’’من مرضیاں‘‘ کے ذریعے ایک بار پھر بڑی اسکرین پر واپسی کررہے ہیں، گزشتہ دنوں ہدایت کار انوراگ کیشپ نے بچن فیملی کے لیے فلم کی اسپیشل اسکریننگ منعقد کی جسے دیکھنے کے لیے پوری بچن فیملی وہاں موجود تھی۔

صورتحال اس وقت دلچسپ ہوگئی جب فلم ختم ہونے کے بعد ابھیشیک بچن نے امیتابھ سے اپنی پرفارمنس کے بارے میں پوچھا لیکن امیتابھ بچن نے ان سے بات کرنے سے انکار کرتے ہوئے کہا ابھی مجھ سے بات نہ کرو، میں تم سے بعد میں بات کروں گا۔

بعد ازاں امیتابھ بچن نے نہ صرف ابھیشیک بچن بلکہ فلم کی مرکزی اداکارہ تاپسی پنوں اور  وکی کشال کو ایک خوبصورت پھولوں کا گلدستہ دیتے ہوئے اپنے ہاتھ سے لکھا ہوا نوٹ دیا جس میں انہوں نےابھیشیک سمیت تمام اداکاروں کی تعریف کرتے ہوئے ان کے کام کو سراہا تھا۔

https://twitter.com/vickykaushal09/status/1039460584603963392

واضح رہے کہ ابھیشیک بچن اور تاپسی پنوں کی فلم’’من مرضیاں‘‘14 ستمبر کو نمائش کے لیے پیش کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔