- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ کو مسترد کردیا
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کی پاکستان کے خلاف بیٹنگ جاری
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
جارحیت کا جواب دینے کی صلاحیت رکھتے ہیں، وزیر خارجہ
واشنگٹن: وزیر خارجہ شاہ محمود قریشی نے کہا ہے کہ جارحیت کا جواب دینے کی صلاحیت رکھتے ہیں تاہم ہمسایہ ممالک سے بہتر تعلقات پاکستان کی ترجیح ہے۔
واشنگٹن میں وزیر خارجہ شاہ محمود قریشی نے نیوز کانفرنس کرتے ہوئے کہا کہ پاکستان کے ساتھ تعلقات کا فائدہ ہمیشہ امریکا نے اٹھایا، امریکی وزیر خارجہ مائک پومپیو جب پاکستان آئے تو ان کے سامنے حقائق پر مبنی موّقف پیش کیا، امریکا خطے میں بھارت کو اسٹریٹجک پارٹنر بنانے کا خواہاں ہے، جبکہ پاکستان بیک وقت چین اور امریکا سے روابط رکھے گا۔
بھارت سے مذاکرات کی منسوخی کے بارے میں شاہ محمود نے کہا کہ بھارتی وزیر خارجہ سے تعلقات کی بہتری کے لیے ملاقات کرنا چاہتے تھے، مذاکرات کے لیے آمادگی ظاہر کرکے ملاقات منسوخ کرنا سمجھ سے بالاتر ہے، بھارتی رویہ افسوسناک اور سفارتی آداب کے منافی ہے، اس نے اپنے اندرونی معاملات سے توجہ ہٹانے کیلیے صورتحال پیدا کی، سوچنا ہوگا ملاقات کا موقع گنوانے کا ذمہ دار کون ہے، دیکھنا ہوگا امن کی بات کون کررہا ہے اور فرار کون چاہتا ہے۔
شاہ محمود قریشی نے مقبوضہ کشمیر کی صورت حال کے بارے میں کہا کہ بھارت میں بڑا طبقہ کشمیر سے متعلق اپنی پالیسی پر تنقید کررہا ہے، بھارتی دانشوروں کے مطابق حکومتی کشمیر پالیسی ناکام ہوچکی ہے، بلوچستان میں بیرونی مداخلت کے ٹھوس ثبوت ہیں، جارحیت کا جواب دینے کی صلاحیت رکھتے ہیں تاہم ہمسایہ ممالک سے بہتر تعلقات پاکستان کی ترجیح ہے۔
وزیر خارجہ نے کہا کہ دورہ سعودی عرب مفید رہا تاہم ہم سعودی عرب پیسے مانگنے نہیں گئے تھے، سعودی ولی عہد سے نیویارک میں جنرل اسمبلی اجلاس کے موقع پر ملاقات ہوگی۔
شاہ محمود قریشی واشنگٹن سے نیویارک پہنچ گئے ہیں جہاں وہ امریکی ہم منصب مائک پومپیو سمیت دو درجن سے زائد ممالک کے وزرائے خارجہ سے ملاقاتیں کریں گے۔
پاک امریکا وزرائے خارجہ ملاقات دو اکتوبر کو واشنگٹن میں ہوگی۔ اقوام متحدہ میں پاکستانی سفیر ملیحہ لودھی کے مطابق شاہ محمود قریشی جنرل اسمبلی سے خطاب میں نئی حکومت کی بین الاقوامی پالیسیوں پر روشنی ڈالیں گے اور مسئلہ کشمیر سمیت علاقائی تنازعات پر بھی بات کریں گے، وزیر خارجہ بدھ کو او آئی سی رابطہ گروپ برائے کشمیر کے اجلاس سے بھی خطاب کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔