انوشکا اور ورون کی ’’سوئی دھاگا‘‘ نے دو دن میں 20 کروڑ کمالیے

ممبئی: نامور بالی ووڈ اداکارہ انوشکا شرما اورورون دھون کی فلم’’سوئی دھاگا‘‘ نے دو دن میں 20 کروڑ سے زائد کا بزنس کرکے مداحوں کے دل جیت لیے۔

اداکارہ انوشکا شرما اور ورون دھون کی فلم ’’سوئی دھاگا‘‘شائقین کو بھاگئی،  فلم نے ریلیز کے پہلے روز 8 کروڑ30 لاکھ کا بزنس کیا جب کہ دوسرے روز 12 کروڑ 25 لاکھ کابزنس کرکے مجموعی طور پر 20 کروڑ 55 لاکھ کمانے میں کامیاب رہی ہے۔

#SuiDhaaga zooms upwards on Day 2… Catches speed at metros and mass belt… The target audience [families] have taken to the film, thus converting into increased footfalls… Expect a SOLID Day 3… Fri 8.30 cr, Sat 12.25 cr. Total: ₹ 20.55 cr [2500 screens]. India biz.

— taran adarsh (@taran_adarsh) September 30, 2018

بھارتی تجزیہ نگار ترن آدرش نے فلم کی تعریف کرتے ہوئے کہا ہے کہ ہفتے کے اختتام تک فلم 35 کروڑ سے زائد کا بزنس کرلے گی۔

فلم ’’سوئی دھاگا‘‘میں ورون دھون اورانوشکا شرما میاں بیوی کا کردار اداکررہے ہیں، انوشکا کا کردار فلم میں گھریلو خاتون کا ہے جو اپنے شوہر ورون دھون کو خود کی پہچان بنانے اور زندگی میں آگے بڑھنے کے لیے ان کی حوصلہ افزائی کرتی ہے۔