حماس اور اسرائیل فائر بندی پر متفق

 غزہ: فلسطین کی مزاحمتی تحریک حماس نے حالیہ جھڑپوں کے بعد اسرائیل سے فائر بندی پر اتفاق کیا ہے۔

عرب میڈیا کے مطابق دو روز سے جاری کشیدگی اور دو طرفہ کارروائیوں کے بعد حماس اور اسرائیل فوری طور پر فائربندی پر متفق ہوگئے ہیں، یہ صلح مصر کی ثالثی کی نتیجے میں قابل عمل ہوئی۔

حماس نے تحریری بیان میں بتایا ہے کہ فائر بندی کا احترام کیا جائے گا تاہم یہ اسی صورت میں ہوگا کہ اسرائیل بھی اس  فیصلے کو یقینی بناتے ہوئے  برقرار رکھنے کی پالیسی اپنائے۔

یہ بھی پڑھیں: غزہ پر اسرائیلی بمباری سے مزید 3 فلسطینی شہید

واضح رہے کہ پیر اور منگل کے روز اسرائیلی فوج کی فائرنگ سے 10 فلسطینی شہید اور متعدد زخمی ہوئے جب کہ حماس کی جوابی کارروائی میں ایک اسرائیلی فوجی افسر مارا گیا۔