مقبوضہ کشمیرخودکش حملہ، پاکستان نے بھارتی الزام مسترد کردیا

 اسلام آباد: پاکستان نے بھارت کی جانب سے مقبوضہ کشمیرمیں خود کش حملے کا تعلق پاکستان سے جوڑنے پرسخت مذمت کرتے ہوئے الزام کو مسترد کردیا۔

دفترخارجہ نے مقبوضہ کشمیر میں خود کش حملے پرردعمل میں کہا کہ پلواما خود کش حملے پرگہری تشویش ہے، دنیا کے کسی بھی حصے میں پُرتشدد کارروائی کی ہمیشہ مذمت کی ہے جب کہ بغیرتحقیقات پاکستان سے تعلق جوڑنے کی بھارتی کوششوں کومسترد کرتے ہیں۔

Attack in Pulwama in IoK is a matter of grave concern.We have always condemned heightened acts of violence in Valley. We strongly reject any insinuation by elements in Indian government and media circles that seek to link the attack to State of Pakistan without investigations.

— Dr Mohammad Faisal (@ForeignOfficePk) February 14, 2019

اس خبرکو بھی پڑھیں: مقبوضہ کشمیر میں کار بم دھماکے میں 44 بھارتی فوجی ہلاک

دوسری جانب سفارتی ذرائع کے مطابق پلوامہ حملے سے متعلق پاکستانی ہائی کمشنرکو بھارتی دفترخارجہ نے طلب کرلیا ہے، جس پرپاکستان کی جانب سے سفارتی سطح پرسخت جوابی موقف دیئے جانے کا امکان ہے۔

واضح رہے کہ گزشتہ روزضلع پلوامہ میں زوردارکاربم دھماکے میں 44 بھارتی فوجی ہلاک اوردرجنوں زخمی ہوگئے تھے۔