مظالم کا سامنا کرنے والے کشمیریوں کودیکھ کربھی بھارتی مسلمانوں کا ضمیرنہیں جاگتا خواجہ آصف

ان کے نزدیک ہزاروں کی شہادت، اندھا کرنے اور یتیم بچوں کے ساتھ ظلم افسوسناک اور وحشتناک نہیں، خواجہ آصف فوٹوفائل

---

پاکستان مسلم لیگ (ن) کے رہنما خواجہ آصف نے بھارتی مسلمان شاعر جاوید اختر اور ان کی اہلیہ شبانہ اعظمی کے دورہ کراچی منسوخ کرنے پر ردعمل دیتے ہوئے کہا ہے کہ مقبوضہ کشمیرمیں روزانہ سنگین بھارتی مظالم کا سامنا کرنے والے کشمیریوں کو دیکھ کر بھی ان کا ضمیر کوئی حرکت نہیں کرتا۔

خواجہ آصف نے ٹوئٹ کرتے ہوئے کہا ''بھارت کے صاحب حیثیت اورمتمول مسلمان شہری اپنی حیثیت کے تحفظ کے لئے اپنی شناخت پرمعذرت خواہانہ رویہ اپناتے ہیں، مقبوضہ کشمیر میں روزانہ سنگین بھارتی مظالم کا سامنا کرنے والے کشمیریوں کو دیکھ کر بھی ان کا ضمیر کوئی حرکت نہیں کرتا، ان کے نزدیک ہزاروں کی شہادت، اندھا کرنے اوریتیم بچوں کے ساتھ ظلم افسوسناک اور وحشتناک نہیں۔''

اس خبرکوبھی پڑھیں: جاوید اختر اور شبانہ اعظمی کو ہندو انتہا پسندوں کا خوف، دورہ پاکستان منسوخ

The most privileged of Indian Muslims protecting status & being apologetic about their identities,their conscience unmoved by atrocities endured daily by Kashmiris. Thousands blinded, martyred, and orphaned...to them this is not grim,or outrageous. https://t.co/qJ6EOeubNI

— Khawaja M. Asif (@KhawajaMAsif) February 15, 2019

گزشتہ روزبھارتی شاعر جاوید اختراورشبانہ اعظمی نے پلوامہ حملے کے بعد ٹوئٹر پر اپنا دورہ کراچی منسوخ کرتے ہوئے کہا تھا کہ کراچی آٹس کونسل نے ہم دونوں کو کیفی اعظمی کے اعزاز میں دی جانے والی تقریب میں بطور مہمان مدعو کیا تھا تاہم اب ہم اپنا دورہ کراچی منسوخ کررہے ہیں۔

اس خبرکوبھی پڑھیں: مقبوضہ کشمیر میں کار بم دھماکے میں 44 بھارتی فوجی ہلاک

واضح رہے کہ جاوید اختر اور شبانہ اعظمی کو رواں ماہ 23 اور24 فروری کو بھارتی شاعر کیفی اعظمی کے اعزاز میں دی جانے والی تقریب میں شرکت کرنا تھی دونوں نے اپنی آمد کی تصدیق بھی کردی تھی تاہم پلوامہ حملے کے بعد ہندوانتہا پسندوں کے خوف سے دونوں نے اپنا دورہ کراچی منسوخ کردیا۔