بھارت ہمیشہ کی طرح حقائق سے نظریں چرا رہا ہےشہباز شریف

آنکھوں سے پٹی اتار کر مسئلے کی سنگینی کو سمجھنا ہی بھارت کے لیے بہتر ہے، قائد حزب اختلاف

---

HAWIJA: سابق وزیراعلیٰ پنجاب شہباز شریف کا کہنا ہے کہ بھارت ہمیشہ کی طرح حقائق سے نظریں چرا رہا ہے۔

سماجی رابطے کی ویب سائٹ پر ٹوئٹ کرتے ہوئے قومی اسمبلی میں قائد حزب اختلاف شہباز شریف نے پلوامہ حملے سے متعلق پاکستان کے خلاف بھارتی پراپیگنڈہ پر ردعمل دیتے ہوئے کہا کہ بھارت ہمیشہ کی طرح حقائق سے نظریں چرا رہا ہے لیکن حقائق کو جھوٹی کہانیوں کے ذریعے چھپایا نہیں جاسکتا۔

“A nation of a billion people needs to snap out of its grand delusion and smell the reality of Occupied Kashmir — a reality that cannot be re-manufactured... It’s so much easier to blame Pakistan..
As usual, the Indians are missing the point.” @Fahdhusain https://t.co/4OWuhtzlB8

— Shehbaz Sharif (@CMShehbaz) February 17, 2019

شہباز شریف نے کہا کہ ایک ارب کی آبادی والے ملک کو مقبوضہ کشمیر کی حقیقت کا سمجھنا چاہئے اور آنکھوں سے پٹی اتار کر مسئلے کی سنگینی کو سمجھنا ہی بھارت کے لیے بہتر ہے۔