ایف سی تعیناتی کی مدت میں 6 ماہ توسیع کی منظوری

ایف سی امن و امان برقرار رکھنے کے لیے مقررہ مدت تک اپنی ذمہ داریاں ادا کرتی رہے گی، وزیر اعلیٰ بلوچستان


ویب ڈیسک February 19, 2019
ایف سی امن وامان برقرار رکھنے کے لئے مقررہ مدت تک اپنی ذمہ داریاں ادا کرتی رہے گی، وزیر اعلیٰ بلوچستان۔ فوٹو: فائل

لاہور: وزیراعلیٰ بلوچستان نے فرنٹیئر کانسٹیبلری (ایف سی) کی تعیناتی کی مدت میں مزید چھ ماہ توسیع کی منظوری دے دی۔

ایکسپریس نیوز کے مطابق وزیراعلیٰ بلوچستان جام کمال خان نے کوئٹہ سمیت صوبے کے بعض دیگر اضلاع میں فرنٹیئر کانسٹیبلری (ایف سی) کی تعیناتی کی مدت میں مزید چھ ماہ کی توسیع کی منظوری دے دی۔ وزیراعلیٰ نے محکمہ داخلہ و قبائلی امور کی جانب سے بجھوائی گئی سمری پر یہ منظوری یکم جنوری 2019ء سے 30 جون 2019ء تک کی مدت کے لیے دی ہے۔

وزیراعلیٰ کی منظوری کے بعد ایف سی امن وامان برقرار رکھنے کے لیے مقررہ مدت تک اپنی ذمہ داریاں ادا کرتی رہے گی۔