جنگ کو بڑھانا نہیں چاہتے مگر مجبور کیا گیا تو تیار ہیں، پاکستان

ویب ڈیسک  بدھ 27 فروری 2019
دن کی روشنی میں کارروائی کرکے بھارت کو واضح متنبہ کردیا، ڈاکٹر محمد فیصل فوٹو:فائل

دن کی روشنی میں کارروائی کرکے بھارت کو واضح متنبہ کردیا، ڈاکٹر محمد فیصل فوٹو:فائل

اسلام آباد: ترجمان دفتر خارجہ ڈاکٹر فیصل نے کہا ہے کہ بھارت میں دہشت گردوں کے خلاف کارروائی کا حق رکھتے ہیں اور پاکستان نے دن کی روشنی میں کارروائی کرکے بھارت کو واضح طور پر متنبہ کردیا ہے۔

پاک فضائیہ نے بھارتی دراندازی کا جواب دیتے ہوئے دو بھارتی طیاروں کو مار گرایا۔ پاک فضائیہ کی جوابی کارروائی پر ترجمان دفتر خارجہ ڈاکٹر فیصل کا کہنا ہے کہ پاکستان نے اپنی حدود میں رہتے ہوئے لائن آف کنٹرول (ایل او سی) کی دوسری جانب جوابی کارروائی کی، اس اقدام کا مقصد اپنے دفاع کے حق، عزم اور صلاحیت کا مظاہرہ کرنا تھا۔

ڈاکٹر فیصل نے کہا کہ پاکستان نے دن کی روشنی میں کارروائی کر کے بھارت کو واضح انتباہ کیا ہے کہ پاکستان بھی بھارت میں دہشت گردوں کے خلاف کارروائی کا حق رکھتا ہے۔

اس خبرکوبھی پڑھیں: پاک فضائیہ نے 2 بھارتی طیارے مارگرائے

ترجمان دفتر خارجہ کا کہنا تھا کہ پاکستان انسانی جانوں کے ضیاع سے بچنے کی کوشش کر رہا ہے، پاکستان جنگ کو بڑھانا نہیں چاہتا مگر مجبور کیا گیا تو تیار ہے۔

اس خبرکوبھی پڑھیں: جواب دینے کے لیے جگہ اور وقت کا تعین کرلیا بھارت اب انتظار کرے

واضح رہے کہ گزشتہ روز بھارت نے پاکستانی حدود میں داخل ہوکر بزدلانہ کارروائی تھی تاہم پاک فوج کی بروقت کارروائی نے بھارتی طیاروں کو دم دباکر بھاگنے پر مجبور کردیا تھا ۔ بھارتی دراندازی پر ترجمان پاک فوج کا کہنا تھا کہ جواب دینے کے لیے وقت اور جگہ کا انتخاب کرلیا ہے بھارت اب سرپرائز کا انتظار کرے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔