ایران میں پُر ہجوم مقام پر مغربی انداز سے ایجاب و قبول کرنے والا جوڑا گرفتار

عوامی مقام پر مغربی انداز سے ایجاب و قبول غیر اسلامی ہے، پولیس فوٹو : اسکرین گریپ

---

ایران کے پُررونق شاپنگ سینٹر میں سب کے سامنے ایجاب و قبول کرنے والے جوڑے کو پولیس نے گرفتار کرلیا۔

بین الاقوامی خبر رساں ادارے کے مطابق ایران کے پریمی جوڑے نے ایجاب و قبول کے لیے پرہجوم شاپنگ سینٹر کا انتخاب کیا جس کے لیے خصوصی انتظامات کیے گئے، نوجوان جوڑے نے پھولوں کی پتیوں سے بنائے ہوئے دل کے درمیان کھڑے ہوکر ایجاب و قبول کیا۔

📹 Man publicly proposes to woman at shopping mall in Arak, central #Iran
Both arrested for "marriage proposal in contradiction to islamic rituals... based on decadent Western culture," then released on bail pic.twitter.com/eKdlNX9Bte

— Sobhan Hassanvand 📰 سبحان حسنوند (@Hassanvand) March 8, 2019

ایرانی لڑکے نے مغربی انداز سے شادی کی پیشکش کی جس پر لڑکی نے بھی رضامندی کا اظہار کیا اور پھر دونوں گلے لگ گئے، اس دوران موقع پر موجود سیکڑوں لوگوں نے تالیاں بجا کر جوڑے کو مبارکباد دی اور نیک تمناؤں کا اظہار کیا۔ جوڑا اور وہاں موجود افراد پُرجوش نظر آرہے تھے۔

اس پورے واقعے کی ویڈیو سوشل میڈیا پر وائرل ہوگئی جس کے بعد ایرانی پولیس متحرک ہوئی اور مغربی انداز سے عوامی مقام پر ایجاب و قبول کرنے کے الزام میں جوڑے کو گرفتار کرلیا۔ پولیس نے جوڑے کی اس حرکت کو اسلامی تعلیمات کے منافی اور ایرانی تہذیب کا مذاق اُڑانا قرار دیا۔