ورلڈ کپ 2019 برائن لارا نے ویسٹ انڈین ٹیم سے بڑی امیدیں وابستہ کرلیں

ورلڈ کپ میں مستقل مزاجی سے پرفارم کرکے ٹیم اپنے چانس کو بہتر بناسکتی ہے، سابق کپتان۔ فوٹو: فائل

---

ویسٹ انڈیز کے سابق کپتان برائن لارا کی ورلڈ کپ کیلیے اپنی کیریبیئن ٹیم سے امیدیں بڑھنے لگیں، وہ سمجھتے ہیں کہ ٹیم میں حیران کرنے کی صلاحیت موجود اور وہ میگا ایونٹ میں کامیابی حاصل کرسکتی ہے۔

برائن لارا کا کہنا ہے کہ شو پیس ایونٹ میں کامیابی کیلیے کیریبیئن ٹیم کو مستقل مزاجی سے اچھا پرفارم کرنا ہوگا، ہم یہ ثابت کرچکے کہ انگلینڈ اور بھارت کو زیر کرسکتے ہیں، ہم اپنے دن میں کسی بھی سائیڈ کو شکست دے سکتے ہیں مگر ساتھ میں ہم بنگلہ دیش اور افغانستان جیسی ٹیموں سے بھی ہارے ہیں، یہی چیز ٹیم کے لیے اچھی نہیں، ورلڈ کپ میں مستقل مزاجی سے پرفارم کرکے ٹیم اپنے چانس کو بہتر بناسکتی ہے۔