نشوہ اورعصمت کیس اقرا عزیزمعاشرے کی بے حسی پرچلا اٹھیں

خدا نشوہ اورعصمت کی مغفرت فرمائے اور ہم جیسے جانوروں کو انسانیت دے۔اقرا عزیز کی ٹوئٹ فوٹوفائل

---

نامورپاکستانی اداکارہ اقرا عزیز ننھی نشوہ اورعصمت کی سفاکانہ موت کو غیر سنجیدہ کہنے والوں اوردو معصوم جانوں کی ہلاکت پربے حسی کا مظاہرہ کرنے والوں پر بھڑک اٹھیں۔

کراچی میں حال ہی میں رونما ہونے والے دو واقعات جن میں ایک غلط انجیکشن لگنے سے ننھی نشوہ کی موت اوردوسرا واقعہ 25 سالہ عصمت کا ہے جسے ڈاکٹرسمیت اسپتال کے عملے نے درندگی کانشانہ بناکرزہر کا انجیکشن دے کرقتل کردیا، ان دونوں واقعات نے پورے پاکستان کو جھنجھوڑ کردکھ دیا ہے۔

اداکارہ اقرا عزیز نے ان دونوں واقعات پر افسوس اورغصے کا اظہار کرتے ہوئے کہا کہ خدا نشوہ اورعصمت کی مغفرت فرمائے اورہم جیسے جانوروں کو انسانیت دے۔

https://twitter.com/IqraAzizz/status/1120350612447739905

اقرا کے اس ٹوئٹ پرایک سوشل میڈیا صارف نے اقرا کو مشورہ دیتے ہوئے کہا کہ ان واقعات کو زیادہ سنجیدگی سے نہ لیں۔ عمیر نامی اس شخص کی ٹوئٹ نے اُن تمام بے حس لوگوں کی ترجمانی کی ہے جو ملک میں ہونے والے سفاکانہ واقعات پر نہ تو آواز اٹھاتے ہیں اورنہ انہیں غلط کہتے ہیں بلکہ دوسروں کو بھی ان واقعات کو سنجیدگی سے نہ لینے کی صلاح دیتے ہیں۔

اس خبرکوبھی پڑھیں: ننھی نشوہ کیلئے فنکار بھی اشکبار

تاہم اقرا نے اس شخص کونہایت غیرسنجیدہ تبصرہ کرنے پر آڑے ہاتھوں لیتے ہوئے کہا کہ یہ کہنا آسان ہے کہ اللہ بہتر کرے گا یا ان واقعات کو سنجیدگی سے نہ لیں لیکن کیا آپ اس وقت کا انتظارکررہے ہیں جب یہ سب آپ کی ماں، بہن، بیوی اوربیٹی کے ساتھ ہوگا اور جب وہ اس طرح کے حالات سے گزریں گی اس وقت آپ ان واقعات کو سنجیدگی سے لیں گے۔

https://twitter.com/IqraAzizz/status/1120354151387619331

واضح رہے کہ اقرا کے ساتھ شوبزکے دیگر فنکاروں نے بھی نشوہ اور عصمت کے ساتھ ہونے والی درندگی اور مجرمانہ فعل کے خلاف آواز اٹھاتے ہوئے وزیراعظم سےمجرموں کے خلاف سخت ایکشن لینے کا مطالبہ کیا ہے۔