برطانوی شہزادہ ولیم کا نیوزی لینڈ میں دہشت گردی سے متاثرہ مسجد کا دورہ

نیوزی لینڈ نے راہ دکھائی کہ نفرت کا مقابلہ محبت سے کرنا چاہیے، شہزادہ ولیم فوٹو:انٹرنیٹ

---

برطانوی شہزادے ولیم نے کرائسٹ چرچ میں دہشت گردی کا شکار مسجد کا دورہ کیا اس دوران وزیراعظم نیوزی لینڈ جیسنڈا آرڈرن بھی ان کے ہمراہ تھیں۔

شہزادہ ولیم نے نیوزی لینڈ کے شہر کرائسٹ چرچ میں مسجد النور کادورہ کیا، اس دوران سفید شال سرپہ لیے نیوزی لینڈ کی وزیراعظم جیسنڈا آرڈرن بھی ان کے ہمراہ تھیں۔ شہزادہ ولیم نے مشکل کے اس وقت میں نیوزی لینڈ کی حکومت کے کردار کو سراہتے ہوئے کہا نیوزی لینڈ نے راہ دکھائی کہ نفرت کامقابلہ محبت سے کیاجانا چاہیے، میں دعاگو ہوں کہ دنیامیں محبت کی طاقت نفرتوں پر ہمیشہ غالب رہے، انہوں نے کہا نیوزی لینڈ نےحملہ آورکی جانب سے خوف کاماحول پیدا کرنے کامنصوبہ ناکام بنادیا۔



برطانوی شہزادے نے کرائسٹ چرچ حملے میں شہید افراد کےلواحقین اور زخمیوں سے اسپتال میں ملاقات بھی کی۔ زخمی ہونے والوں میں 5 سالہ بچی الین الساتی بھی شامل ہے جو فائرنگ کے واقعے میں شدید زخمی ہوئی تھی۔

The Duke of Cambridge is visiting Al Noor Mosque to meet Imam Gamal Fouda and Muslim community families impacted by the Christchurch mosques terrorist attack in New Zealand. pic.twitter.com/dHhSfvu74z

— The Prince and Princess of Wales (@KensingtonRoyal) April 25, 2019

واضح رہے کہ 15 مارچ کو نیوزی لینڈ کے شہر کرائسٹ چرچ میں سفید فام عیسائی دہشت گرد نے دومساجد میں فائرنگ کرکے 50 معصوم مسلمانوں کو شہید اور کئی افراد کو زخمی کردیاتھا جب کہ شہدا میں 9 پاکستانی بھی شامل تھے۔