شاداب خان نے وائرس کے حوالے سے چلنے والی خبروں کو بے بنیاد قرار دیدیا

عباس رضا  بدھ 15 مئ 2019
مجھے معلوم نہیں کہ وائرس کا شکار کہاں اور کیسے ہوا، لیگ اسپنر - فوٹو: فائل

مجھے معلوم نہیں کہ وائرس کا شکار کہاں اور کیسے ہوا، لیگ اسپنر - فوٹو: فائل

شاداب خان نے ڈینٹسٹ کے اوزاروں سے وائرس کا شکار ہونے کی اطلاعات غلط قرار دیدیں۔

اسلام آباد میں میڈیا سے بات کے دوران قومی ٹیم کے لیگ اسپنر شاداب خان سے جب پوچھا گیا کہ سینٹرل کنٹریکٹ کا پابند ہونے کی وجہ سے آپ پی سی بی کے میڈیکل پینل کی اجازت کے بغیر نجی طور پر دانتوں کا علاج کروانے کیلیے راولپنڈی کے ڈاکٹر کے پاس کیوں گئے؟ جواب میں لیگ اسپنر کا کہنا تھا کہ میں کسی ڈاکٹر کے پاس گیا ہی نہیں، نہ جانے یہ من گھڑت خبر کہاں سے آئی ہے، مجھے معلوم نہیں کہ وائرس کا شکار کہاں اور کیسے ہوا، قسمت میں لکھا تھا ہوگیا۔

یاد رہے کہ ورلڈ کپ اسکواڈ میں جگہ بنانے کے بعد آنے والی میڈیکل ٹیسٹ کی رپورٹ میں شاداب خان کے خون میں خطرناک وائرس کی نشاندہی ہوئی تھی جس کا علاج کیا جا چکا اور لیگ اسپنر جمعرات کو انگلینڈ کیلیے اڑان بھریں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔