ہندو ووٹرز کی خوشنودی کیلیے مودی کے یوگی بننے کے ڈھونگ پر اپوزیشن کی کڑی تنقید

مودی نے ہندوؤں کے مقدس غار میں تپیسیا بھی کی۔ فوٹو : ٹویٹر

---

NEW YORK: وزیراعظم نریندرا مودی ہندو ووٹرز کی ہمدردی حاصل کرنے کے لیے کیدرناتھ مندر پہنچ گئے اور ایک غار میں یوگیوں کی طرح کئی گھنٹے خاموش بیٹھے رہے۔

بین الاقوامی خبر رساں ادارے کے مطابق بھارتی وزیراعظم نریندرا مودی کو اپوزیشن جماعت کانگریس اور دیگر جماعتوں کی جانب سے کڑی تنقید کا سامنا ہے تاہم اس بار معاملہ سنگین اور کسی حد تک حساس بھی ہے۔

وزیراعظم مودی انتخابات کے آخری اور سب سے اہم مرحلے سے محض 24 گھنٹے پہلے اترکھنڈ کے 2 روزہ دورہ پر پہنچے اور ہندو ووٹرز کی خوشنودی کیلیے ہمالیہ سلسلے میں واقع ہندو دیوتا شیوا کے کیدرناتھ مندر بھی گئے اور پوجا پاٹ کی۔

Prayed at the Kedarnath Temple. Har Har Mahadev! pic.twitter.com/ox7LMCZmfi

— Narendra Modi (@narendramodi) May 18, 2019

شاہانہ مزاج رکھنے والے مودی جہاں سفارتی آداب بھول جاتے ہیں ویسے ہی مندر کی روایات کو بھی پس پشت ڈال دیا اور کیدرناتھ مندر تک 'سرخ قالین' پر چلتے ہوئے گئے حالانکہ یہ وہ مقام ہے جہاں ہندو احتراماً اپنے جوتے تک اتار دیتے ہیں۔



وزیراعظم مودی نے کیدر ناتھ مندر کے قریب ہندوؤں کے ایک مقدس غار میں روایتی لباس پہنے تپیسیا بھی کیا اور گیان لیا، وہ کئی گھنٹوں تک یوگیوں کی طرح آنکھیں بند کیئے اور کوئی حرکت کیئے بغیر خاموش بیٹھے رہے۔

Reviewing aspects of the ongoing Kedarnath Development Project. pic.twitter.com/bVOFnCozug

— Narendra Modi (@narendramodi) May 18, 2019

اپوزیشن جماعتوں نے مودی کی اس حرکت کو ڈھونگ اور ڈرامہ قرار دیتے ہوئے آڑے ہاتھوں لیا اور مودی پر مندر کے تقدس کی پامالی کا الزام لگاتے ہوئے کہا کہ شیوا کا سچا پجاری اپنی انا کو قربان کرتا ہے نا کہ ریڈ کارپٹ پر مندر جاتا ہے۔