بی جے پی کے رکن اسمبلی کا خاتون سماجی ورکر پر سرعام بہیمانہ تشدد

سماجی کارکن کو پانی کی عدم فراہمی پر احتجاج کرنے پر تشدد کا نشانہ بنایا گیا۔ فوٹو : فائل

---

KARACHI: بھارت میں مودی کی جماعت بھارتیہ جنتا پارٹی کے رکن اسمبلی بلرام تھوانی نے اپنے دفتر کے سامنے دھرنا دینے کے لیے آنے والی خاتون سماجی کارکن پر لاتوں اور تھپڑوں کی بارش کردی۔

بین الاقوامی خبر رساں ادارے کے مطابق بھارتی ریاست گجرات کے شہر احمد آباد میں سماجی کارکن نیتو تیجوانی اپنی جماعت این سی پی کی دیگر خواتین اور مقامی افراد کے ساتھ رکن اسمبلی برام تھوانی کے دفتر کے سامنے پانی کی عدم فراہمی پر دھرنا دینے پہنچی تھیں جس پر رکن اسمبلی نے اپنے غنڈوں کے ہمراہ خاتون پر حملہ کردیا۔

#WATCH BJP's Naroda MLA Balram Thawani kicks NCP leader (Kuber Nagar Ward) Nitu Tejwani when she went to his office to meet him over a local issue yesterday. Nitu Tejwani has registered a complaint against the MLA. #Gujarat pic.twitter.com/dNH2Fgo5Vw

— ANI (@ANI) June 3, 2019

سوشل میڈیا پر وائرل ہونے والی ویڈیو میں دیکھا جا سکتا ہے کہ شلوار قمیص میں ملبوس بی جے پی کے رکن اسمبلی بلرام تھوانی نے خاتون سماجی کارکن پر لاتوں، گھونسوں اور تھپڑوں کی بارش کردی اور جبراً دھرنا ختم کروا دیا۔

سوشل میڈیا پر شدید احتجاج کے بعد رکن اسمبلی نے نیتو تیجوانی سے معافی مانگی اور جواباً خاتون سماجی کارکن نے رکن اسمبلی کے ہاتھ میں راکھی باندھ کر معاملہ رفع دفع کردیا۔