جن کیخلاف مقدمات نہیں انھیں رہا کر دیا جائےوزیر اعلیٰ سندھ کی ہدایت

قائم علی شاہ سے وفاقی وزیرمذہبی امورکی سربراہی میں ن لیگ کے وفدکی ملاقات،کراچی کی صورتحال اوردیگر اہم امورپرتبادلہ خیال فوٹو: فائل

---

وزیراعلیٰ سندھ سید قائم علی شاہ نے آئی جی پولیس سندھ کوہدایت کی ہے کہ پولیس کے پاس زیرحراست جن لوگوں کیخلاف کوئی کرمنل کیسزنہیں ہیں یاوہ کسی جرائم میں ملوث نہیں ہیں انھیں فوری طورپررہا کردیا جائے۔

قانون نافذکرنے والے ادارے صرف اورصرف جرائم پیشہ عناصر،دہشت گردوں اوربھتہ خوروں کیخلاف کارروائی پرتوجہ مرکوزرکھیں اوربلاامتیازکارروائی کویقینی بنائیں، جرائم پیشہ عناصر،دہشت گردیابھتہ خورکسی بھی جماعت سے وابستہ ہوں انھیں صرف اورصرف کرمنلزہی تصور کیاجائے اورانھیں بلا تفریق گرفتارکرکے قانون کے کٹہرے میں لایاجائے۔دریں اثناوفاقی وزیرحج ومذہبی امورسردار محمد یوسف نے مسلم لیگ (ن)کے رہنماؤں کے14رکنی وفد کے ہمراہ وزیراعلیٰ سندھ سیدقائم علی شاہ سے وزیراعلیٰ ہاؤس میں ملاقات کی اورمختلف سیاسی سماجی ومذہبی امورپرتبادلہ خیال کیا۔



وفدمیں مسلم لیگ (ن) سندھ کے جنرل سیکریٹری سلیم ضیا،پنجاب اسمبلی کے رکن صوبائی اسیمبلی میاں ضیاالرحمن اوردیگرشامل تھے۔اس موقع پروزیراعلیٰ قائم علیشاہ نے کہاکہ کراچی کے حالات میں تیزی سے بہتری آرہی ہے اورپولیس ورینجرزسماج دشمن عناصرکے خلاف ہرسطح پرکارروائی کررہی ہیں اور بڑی تعدادمیں جرائم پیشہ عناصرکوگرفتار کیاگیا ہے،وزیراعلیٰ نے وفدسے ان کے مسائل سنے اور حل کے لیے متعلقہ افسران کو احکامات جاری کرنے کی یقین دہانی کرائی۔