سچ کہنے پر ٹرمپ برطانوی سفیر سے ناراض ساتھ کام کرنے سے انکار

برطانوی سفیر نے صدر ٹرمپ کے طرز حکومت کو نااہل اور ناکارہ کہا تھا۔ فوٹو : فائل

---

صدر ڈونلڈ ٹرمپ نے امریکا میں تعینات برطانوی سفیر پر برہمی کا اظہار کرتے ہوئے اُن کے ساتھ کام کرنے سے انکار کردیا ہےتاہم برطانوی وزیراعظم نے سر کِم ڈراک کو کام جاری رکھنے کی ہدایت دی ہے۔

بین الاقوامی خبر رساں ادارے کے مطابق صدر ٹرمپ نے اپنے بارے میں نامناسب الفاظ کے استعمال پر برطانوی سفیر کے ساتھ قطع تعلق کا فیصلہ کرتے ہوئے ان کے ساتھ کام کرنے سے انکار کردیا ہے۔ امریکی صدر نے برطانوی سفیر کی لیک ہونے والی ای میلز پر برہمی کا اظہار کیا اور برطانوی سفیر کو 'احمق' کہا۔

I have been very critical about the way the U.K. and Prime Minister Theresa May handled Brexit. What a mess she and her representatives have created. I told her how it should be done, but she decided to go another way. I do not know the Ambassador, but he is not liked or well....

— Donald J. Trump (@realDonaldTrump) July 8, 2019

دوسری جانب برطانوی وزیراعظم تھریسامے نے امریکا میں تعینات اپنے سفیر کا دفاع کرتے ہوئے سر کِم ڈارک کو مکمل اعتماد کا یقین دلایا اور سفارتی ذمہ داریاں نبھاتے رہنے کی ہدایت دی ہے جس پر امریکی صدر نے وزیراعظم تھریسامے کو بھی ہدف تنقید بنایا اور بریگزٹ ناکامی کا ملبہ وزیراعظم پر ڈال دیا۔

یہ پڑھیں : برطانوی سفیر کی لیک ہونے والی ای میلز میں ٹرمپ سے متعلق حیران کن انکشافات

واضح رہے کہ امریکا میں تعینات برطانوی سفیر کی سرکاری ای میلز افشا ہوگئی تھیں جس میں امریکی صدر کی طرز حکومت کو تنقید کا نشانہ بناتے ہوئے سر کم ڈراک نے وائٹ ہاؤس کو غیر محفوظ، نااہل اور ناکارہ قرار دیا تھا۔