- جون تک پی آئی اے کی نجکاری کا عمل مکمل کرلیا جائے گا، وزیرخزانہ
- کراچی ایئرپورٹ سے جعلی دستاویزات پر بیرون ملک جانے والے 2 مسافر گرفتار
- ججوں کے خط کا معاملہ، سنی اتحاد کونسل کا قومی اسمبلی میں تحریک التوا جمع کرانے کا فیصلہ
- ضلع بدین کے ماحولیاتی نمونوں میں پولیو وائرس کی موجودگی کی تصدیق
- غیرمتعلقہ پاسپورٹ برآمد ہونے پر پی آئی اے کی ایئر ہوسٹس کینیڈا میں گرفتار
- اگلے ماہ مہنگائی کی شرح کم ہو کر 21 سے 22 فیصد کے درمیان رہنے کا امکان
- اقتصادی بحالی اور معاشی نمو کے لیے مشاورتی تھنک ٹینک کا قیام
- اے ڈی ایچ ڈی کی دوا قلبی صحت کے لیے نقصان دہ قرار
- آصفہ بھٹو زرداری بلامقابلہ رکن قومی اسمبلی منتخب
- پشاور: 32 سال قبل جرگے میں فائرنگ سے نو افراد کا قتل؛ مجرم کو 9 بار عمر قید کا حکم
- امیرِ طالبان کا خواتین کو سرعام سنگسار اور کوڑے مارنے کا اعلان
- ماحول میں تحلیل ہوکر ختم ہوجانے والی پلاسٹک کی نئی قسم
- کم وقت میں ایک لیٹر لیمو کا رس پی کر انوکھے ریکارڈ کی کوشش
- شام؛ ایئرپورٹ کے نزدیک اسرائیل کے فضائی حملوں میں 42 افراد جاں بحق
- انٹربینک اور اوپن مارکیٹ میں ڈالر کے مقابلے میں روپیہ مزید مضبوط
- پی ٹی آئی قانونی ٹیم کا چیف جسٹس اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
کراچی میں بارش، ٹریفک کا نظام درہم برہم، بیشتر علاقوں میں بجلی غائب
کراچی: شہر کے مختلف علاقوں میں ہونے والی بارش سے بیشتر علاقوں میں ٹریفک کا نظام درہم برہم ہوگیا، شہر کی اہم شاہراہوں اور سڑکوں پر بدترین ٹریفک جام ہوگیا اور گاڑیوں کی طویل قطاریں لگ گئیں۔
ایکسپریس نیوز کے مطابق شہر کے مختلف علاقوں میں گزشتہ روز ہونے والی بارش کے بعد شہر کے بیشتر علاقوں میں بدترین ٹریفک جام دیکھنے میں آیا، ٹریفک پولیس اہلکار ٹریفک کی روانی کو برقرار رکھنے میں بری طرح ناکام ہوگئے اور اس کا خمیازہ شہریوں کو اذیت ناک ٹریفک جام کی شکل میں برداشت کرنا پڑا۔
بارش کے بعد شہر کی اہم شاہراہوں اور سڑکوں شارع فیصل، راشد منہاس روڈ، عیسیٰ نگری ، اسٹیڈیم روڈ، مین کورنگی روڈ، کالا پل، گلستان جوہر، گلشن اقبال، ایم اے جناح روڈ، نیو پریڈی اسٹریٹ اور نیو ایم اے جناح روڈ سمیت دیگر علاقوں میں گاڑیوں کی طویل قطاریں لگ گئیں جس میں ایمبولینس بھی پھنسی ہوئی دکھائی دیں، مین کورنگی روڈ پر قیوم آباد چورنگی اور کے پی ٹی انٹر چینج فلائی اوور پر بدترین ٹریفک جام میں شہری آٹھ سے دس گھنٹوں تک پھنسے رہے۔
ٹریفک جام کی وجہ سے شہریوں کو شدید مشکلات کا سامنا کرنا پڑا اس دوران شہریوں نے منٹوں کا سفر گھنٹوں میں طے کیا جبکہ پبلک ٹرانسپورٹ میں سوار مسافروں میں خواتین اور بزرگ بھی شامل تھے وہ پیدل ہی اپنی منزل کی جانب چل پڑے سیکڑوں افراد موٹر سائیکلیں بند کر کے سڑک کے کنارے ٹریفک کھلنے کا انتظار کرتے رہے جن میں خواتین اور بچے بھی شامل تھے۔
قیوم آباد چورنگی سے کورنگی جام صادق پل کی جانب جانے والا راستہ شہریوں کے لیے اعصاب شکن بن گیا جبکہ کورنگی بروکس چورنگی سمیت ملحقہ علاقوں میں بدترین ٹریفک جام ہونے کی وجہ سے گاڑیوں کی طویل قطاریں دکھائی دیں۔
شہریوں کی ایک بڑی تعداد جو کورنگی کی رہائشی تھی وہ کئی گھنٹے تاخیر کے بعد اپنے اپنے گھروں تک پہنچانے میں کامیاب ہوئی تاہم اس سفر کے دوران انھیں جس اذیت ناک صورتحال کا سامنا کرنا پڑا اس اندازہ وہی کر سکتے ہیں جو اعصاب شکن ٹریفک جام سے گزر کر گھروں تک پہنچے تاہم اس دوران ٹریفک پولیس اہلکار موقع پر دکھائی تو ضرور دیئے تاہم وہ ٹریفک کی روانی کو برقرار رکھنے میں بری طرح سے ناکام دکھائی دیئے اور شہری اپنی مدد آپ کے تحت ٹریفک کو کنٹرول کرتے ہوئے دکھائی دیے۔
مختلف علاقوں میں بارش کے بعد بجلی غائب ہونے سے شہریوں کو شدید مشکلات کا سامنا کرنا پڑا اطلاعات کے مطابق بارش کے بعد شاہ فیصل کالونی، کورنگی، اورنگی ٹاؤن ، فیڈرل بی ایریا ، لائنز ایریا ، لیاری ، سرجانی ، شیر شاہ ، گلستان جوہر ، گلشن اقبال ، بہادر آباد ، پی ای سی ایچ ایس ، ملیر ، گڈاپ ، اسکیم 33 ، گلشن معمار اور بلدیہ ٹائون سمیت دیگر علاقوں میں کئی گھنٹوں تک بجلی کی عدم فراہمی سے مکینوں انتہائی مشلات کا سامنا کرنا۔
اطلاعات کے مطابق بارش کے بعد کے الیکٹرک کے کئی فیڈرز ٹرپ ہونے کی وجہ سے علاقے بجلی سے محروم ہوگئے اور رات گئے تک کئی علاقے تاحال بجلی سے محروم تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔