- سندھ اور بلوچستان میں گیس و خام تیل کی پیداوار میں اضافہ
- چین کی موبائل فون کمپنی کا پاکستان میں سرمایہ کاری کا اعلان
- آرمی چیف اور ایرانی صدر کی اہم ملاقات، سرحدی سلامتی اور علاقائی امن پر تبادلہ خیال
- اب کوئی ایمنسٹی اسکیم نہیں آئے گی بلکہ لوگوں کو ٹیکس دینا ہوگا، وزیر خزانہ
- غیر ملکی وفود کی آمد، شاہراہ فیصل سمیت کراچی کی مختلف شاہراہیں بند رہیں گی
- شنگھائی الیکٹرک کمپنی نے کے الیکٹرک کے حصص خریدنے کی پیشکش واپس لے لی
- بھارتی ہٹ دھرمی؛ پاکستانی زائرین امیرخسرو کے عرس میں شرکت کیلیے ویزا کے منتظر
- پاک ایران صدور کی ملاقات، غزہ کیلئے بین الاقوامی کوششیں تیز کرنے پر زور
- پاکستان اور ایران کا دہشت گرد تنظیموں پر پابندی عائد کرنے کا اصولی فیصلہ
- وساکھی میلہ اورخالصہ جنم منانے کے بعد سکھ یاتری بھارت روانہ
- تحریک انصاف کا ضمنی الیکشن میں دھاندلی کے خلاف ملک گیر احتجاج کا اعلان
- 7 اکتوبر کا حملہ روکنے میں ناکامی پر اسرائیلی انٹیلیجنس چیف مستعفی
- سائفر کیس میں شک کا پورا فائدہ ملزمان کو جائے گا، اسلام آباد ہائیکورٹ
- پشاور زلمی کے مالک جاوید آفریدی نے بابر اعظم کو گاڑی دینے کا وعدہ پورا کردیا
- سندھ بھر میں سڑکیں اور شاہراہیں بند کرنے پر پابندی عائد، مقدمہ درج کرنے کا حکم
- چند صارفین کی عدم ادائیگی پر سب کی بجلی منقطع کرنے والوں کیخلاف ایکشن ہوگا، ناصر شاہ
- ججز کو دھمکی آمیز خطوط؛ چیف جسٹس اسلام آباد ہائیکورٹ نے فل کورٹ اجلاس طلب کرلیا
- آئی پی ایل: آؤٹ دینے پر امپائر سے بحث، ویرات کوہلی پر جرمانہ عائد
- بلوچستان میں پہلی ایئرایمبولینس سروس شروع کرنے کا اعلان
- ہانگ کانگ اور سنگاپور میں دو بھارتی برانڈز کے مصالحوں پر پابندی عائد
پھیپھڑوں کو صحتمند رکھنے کے لیے ان تین باتوں پر عمل کیجئے
نیویارک: پھیپھڑے جسم میں ایک نہایت اہم کردار ادا کرتے ہیں۔ ان کی تندرستی سے ہر عضو کی صحت وابستہ ہے کیونکہ آکسیجن جذب کرنے اور اسے پورے بدن تک پھیلانے کاعمل پھیپھڑوں میں ہی شروع ہوتا ہے۔
نیویارک کی کولمبیا یونیورسٹی میں پھیپھڑوں کی منتقلی کی ماہر لوری شاہ کہتی ہیں کہ ایک مرض سی او پی ڈی یعنی کرونِک آسٹرکٹوو پلمونری ڈیزیز میں سانس لینے میں دقت ہوتی ہے ۔ یہ مرض تمباکو نوشی، کمزور امنیاتی نظام اور ماحولیاتی آلودگی یا زہریلے نظام میں کام کرنے سے لاحق ہوسکتا ہے۔
لیکن ماہرین کا خیال ہے کہ سی او پی ڈی کا علاج بھی ممکن ہےاور صرف تین اہم باتوں پر عمل کرکے اس سے دور رہا جاسکتا ہے۔
تمباکو نوشی ترک کردیجئے
سگریٹ نوشی پھیپھڑوں کی نمبر ایک دشمن ہے جو دل کو بھی شدید متاثر کرتی ہے۔ اسی لیے ضروری ہے کہ سب سے پہلے سگریٹ نوشی ترک کردی جائے۔ سگریٹ سی او پی ڈی ، سانس کے امراض اور کینسر کی بڑی وجہ بھی ہے۔
جیسے ہی سگریٹ ترک کی جائے سانس کا نظام اور پھیپھڑے تیزی سے صحتمند ہونا شروع ہوجاتے ہیں اور روبہ صحت ہوجاتے ہیں۔ لیکن شرط یہ ہے کہ سگریٹ چھوڑدی جائے ۔ قدرت نے پھیپھڑوں میں اپنی بحالی کی حیرت انگیز صلاحیت رکھی ہے۔
باقاعدگی سے ورزش
پیراکی جیسی ایئروبک ورزشیں ایک جانب تو انسانی قوت بڑھاتی ہیں تو دوسری جانب پھیپھڑوں کو تقویت دیتی ہے۔ اسی لیے ضروری ہے کہ ایسی ورزشیں کی جائیں جس سے سانس پھولے اور پھیپھڑوں میں مناسب ہوا داخل ہو۔
برٹش میڈیکل جرنل میں شائع ایک رپورٹ میں کہا گیا ہے کہ صرف 12 ہفتے کی ورزش سے درمیانےدرجے کی سی او پی ڈی کے شکار مریض بہتر محسوس کرتے ہیں۔
اس کے علاوہ ہفتے میں تین سے چار مرتبہ نصف گھنٹے کی واک، سائیکل چلانے سے بھی پھیپھڑے مضبوط ہوتے ہیں۔ اس سے ڈپریشن بھی دور ہوتی ہے اور صحت پر مجموعی طور پر بہتر اثر پڑتا ہے۔
وزن کم کیجئے
اپنےوزن کو ایک حد میں رکھ کر پھیپھڑوں کی صحت کو یقینی بنایا جاسکتا ہے۔ زائد وزن اور فربہ خواتین و حضرات کے گوشتت اور چربی کا وزن ان کے پھیپھڑوں پر پڑتا ہے اور انہیں سانس لینے میں دقت ہوتی ہے۔ اسی لیے کوشش کیجئے کہ وزن کو معمول پر رکھا جائے ۔ غذا اور ورزش کی مدد سے وزن کو کم کیا جاسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔