چینی کمپنیاں کورونا وائرس کے خلاف جنگ میں پاکستان کے ساتھ ہیں، چین

ویب ڈیسک  بدھ 25 مارچ 2020
علی بابا فاؤنڈیشن اور جیک ما فاؤنڈیشن کی طرف سے پاکستان کو امدادی سامان عطیہ کیا گیا ہے، چینی سفارتخانہ: فوٹو: فائل

علی بابا فاؤنڈیشن اور جیک ما فاؤنڈیشن کی طرف سے پاکستان کو امدادی سامان عطیہ کیا گیا ہے، چینی سفارتخانہ: فوٹو: فائل

 اسلام آباد: چینی سفارتخانے کا کہنا ہے کہ چینی کمپنیاں کورونا وائرس کے خلاف جنگ میں پاکستان کے ساتھ اکٹھی ہیں۔

چینی سفارتخانہ کی جانب سے جاری بیان میں کہا گیا ہے کہ چین ہرمشکل وقت میں پاکستان کے ساتھ کھڑا ہے، این 95 اورسرجیکل ماسک کی پہلی کھیپ آج کراچی پہنچے گی جب کہ علی بابا فاؤنڈیشن اورجیک ما فاؤنڈیشن کی طرف سے پاکستان کوامدادی سامان عطیہ کیا گیا ہے۔

چینی سفارتخانہ کے مطابق چینی کمپنیاں کورونا وائرس کے خلاف جنگ میں پاکستان کے ساتھ اکٹھی ہیں۔ جیکما فاونڈیشن اورعلی بابا فاؤنڈیشن کے زیراہتمام این 95 اورسرجیکل ماسک والا طیارہ پاکستان کے لئے روانہ ہوا اورہواوے نے کوویڈ 19 کے خلاف جنگ میں وزارت صحت کو ویڈیوکانفرنس کا نظام دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔