- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
حکومت سندھ نے شاپنگ مالز اورساتوں دن کاروبار کھولنے کی اجازت دے دی
کراچی: حکومت سندھ نے وفاق سے توثیق کے بعد شاپنگ پلازہ کھولنے اور ہفتے کے ساتوں دن کاروبار جاری رکھنے کی اجازت دے دی ہے۔
ایکسپریس نیوز کے مطابق سندھ حکومت نے عدالتی احکامات کے تحت شاپنگ پلازہ سے متعلق وزارت نیشنل ہیلتھ ریگولیشنز کو درخواست ارسال کی تھی جس کا جواب موصول ہوگیا ہے۔ جواب میں کہا گیا ہے نیشنل کمانڈ اینڈ آپریشن سینٹر نے سندھ حکومت کی درخواست کا جائزہ لیا ہے اور اسے اس اقدام پر کوئی اعتراض نہیں۔ صوبائی حکومت شاپنگ پلازہ کھولنے کی صورت میں ایس اوپی پر سختی سے عمل درآمد کرائے۔
وفاق سے توثیق کے صوبائی محکمہ داخلہ نے صبح 8 سے شام 5بجے تک شاپنگ پلازہ میں کاروباری سرگرمیوں کی اجازت دینے کا حکم نامہ جاری کردیا ہے۔ علاوہ ازیں ترمیمی حکم نامے میں صوبے میں ہفتے کے ساتوں دن کاروباری سرگرمیاں جاری رکھنے کی اجازت بھی دے دی ہے۔
یہ بھی پڑھیے: ہفتے اور اتوار کو کاروبار بند رکھنے کا حکم کالعدم قرار
دوسری جانب قواعد و ضوابط طے کرنے کے لیے کمشنر کراچی افتخار شالوانی کی زیر صدارت تمام ضلعی ڈپٹی کمشنرز، ایڈیشنل ڈپٹی کمشنرز اور شاپنگ مالز کے نمائندوں کا اجلاس ہوا۔اجلاس میں کمشنر کراچی نے قواعد و ضوابط پر عمل کر نے کے لیے موثر اقدامات کی ہدایت دیتے ہوئے کہا کہ ڈپٹی کمشنر ز ایس او پیز پر عمل درآمد کے اقدامات کی نگرانی کریں اور خلاف ورزی پر کارروائی کریں۔
شاپنگ مالز کے لیے ایس او پیز
کمشنر کراچی افتخار شالوانی نے شاپنگ مالز کے لیے ایس او پیز کا نوٹیفکیشن جاری کردیا ہے جس کے مطابق بارہ سال سے کم اور 55 سال سے زاید عمرکے خریدار وں کو مالز میں داخلے کی اجاز ت نہیں ہو گی۔ خریداروں کے ہاتھوں کو سینٹائزر کے ذریعے جراثیم سے پاک کیا جائے گا۔ کوئی خریدار مالز میں بغیر ماسک کے داخل نہیں ہو گا۔ خریداروں کی مالز میں موجود تعدادکو دیکھ کر ان کے اندر داخل ہونے کا تعین کیا جا سکے۔ سماجی فاصلہ یقینی بنانے کے لئے ڈیجیٹل طریقہ سے مدد لی جاے گی۔ خریداروں کی عمومی تعداد کو کم از کم ایک تہائی کم کیا جائے گا۔
اس کے علاوہ بخار ،نزلہ یا کھانسی میں مبتلا کسی بھی خریدار کو مالز یا سینٹر میں داخل ہونے کی اجاز ت نہیں ہو گی ۔ہر خریدار کی تھرمل گن سے اسکیننگ کی جائے گی ۔ایس او پیز سے خریداروں کو آگاہ کر نے کے لئے تحریری ہدایات نمایاں طور پر آویزان کی جائیں گی۔
چھوٹے تاجروں کی چیف جسٹس سے اپیل
کراچی کے چھوٹے تاجروں نے چیف جسٹس آف پاکستان سےافطار کےبعد سے 2بجے شب تک تجارتی مراکز کھولنے کا حکم نامہ جاری کرنے کی استدعا کی ہے۔ آل کراچی تاجر اتحاد کے صدر عتیق میر نے کہاہے کہ چیف جسٹس آف پاکستان کے فیصلے کے نتیجے میں کراچی کے تمام شاپنگ مالز کھل گئے ہیں اور شہرکے40 سے زائد شاپنگ مالز میں 20 ہزار دکانوں پر اطمینان بخش کاروبار شروع ہوگیا ہے جس پرکراچی کے تاجروں کا بچہ بچہ چیف جسٹس آف پاکستان کے حق میں دعاگو ہے۔
انہوں نے کہاکہ لاک ڈاون کی وجہ سےکاروباری اوقات 4 بجے مقرر ہونے کے باعث خریدار روزے کی حالت میں سخت گرمی میں نکلنے پر مجبور ہیں لہذا چیف جسٹس سے استدعا ہے کہ وہ زمینی حقائق کو مدنظر رکھتے ہوئے چاند رات تک مارکٹیں افطار سے رات 12 بجے تک کھولنے کا حکم صادر فرمائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔