’کچرا اٹھاؤ تصویر بناؤ‘ محکمہ بلدیات سندھ کی صفائی مہم شروع

ویب ڈیسک  جمعرات 24 ستمبر 2020
محکمہ بلدیات سندھ کا تمام ایڈمنسٹریٹرز کو اپنے کاموں کی سوشل میڈیا پر تشہیر کرنے کا بھی حکم.فوٹو:فائل

محکمہ بلدیات سندھ کا تمام ایڈمنسٹریٹرز کو اپنے کاموں کی سوشل میڈیا پر تشہیر کرنے کا بھی حکم.فوٹو:فائل

کراچی: محکمہ بلدیات سندھ نے ’کچرا اٹھاؤ اور تصویر بناؤ‘ کے نام سے صوبے میں صفائی مہم شروع کرنے کا فیصلہ کرلیا۔

محکمہ بلدیات سندھ  نے صوبے میں صفائی مہم اور سوشل میڈیا مہم شروع کرنے کا فیصلہ  کیا ہے اس حوالے سے محکمہ بلدیات سندھ کی جانب سے تمام بلدیاتی کونسلز کے ایڈمنسٹریٹرز کو نیا حکمنامہ جاری کردیا گیا ہے۔

حکمنامے میں سندھ کی تمام بلدیاتی کونسلز کو بڑے پیمانے پر صفائی مہم شروع کرنے کی ہدایت کرتے ہوئے کہا گیا ہے کہ بلدیاتی کونسلز کے پاس بجٹ موجود ہے اب وہ کام کرکے دکھائیں، ’کچرا اٹھاؤ اور تصویر بناؤ‘ مہم میں  بلدیاتی کونسلز کو تشہیری مہم کے لیے خصوصی اقدامات کرنا ہوں گے، کچرا اٹھانے کےساتھ تصاویر لازمی بنائی جائیں اور انہیں سوشل میڈیا پر پوسٹ کیا جائے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔