دیرلوئر میں فورسز کی کارروائی میں دو دہشتگرد گرفتار اسلحہ و بارود برآمد

دیرلوئر پولیس کے اے ایس آئی کو شہید کرنے والے دوملزمان  بھی گرفتار کرلئے گئے، ڈی پی او (فوٹو: فائل)

---

میدان میں حساس اداروں اور مقامی پولیس نے کارروائی میں دو دہشت گرد گرفتار کرکے اسلحہ و بارود برآمد کرلیا۔

ایس پی سی ٹی ڈی ملاکنڈ ظاہر شاہ نے پریس کانفرنس کرتے ہوئے بتایا کہ دیرلوئر کے علاقے میدان میں حساس اداروں اور مقامی پولیس نے دہشت گردوں کے خلاف کامیاب کارروائی کرکے بھاری تعداد میں اسلحہ و بارود برآمد کرلیا، جب کہ آپریشن کے دوران دو دہشت گردوں کو بھی گرفتار کیا گیا ہے۔

ایس ایس پی کے مطابق گرفتار دہشتگروں سے دو موٹر سائیکل، تین عدد ریموٹ کنٹرول بم، 8 بیٹری سیل، دو اینٹی پرسن مائن، 3 ایس ایم جی میگزین ، 25 کارتوس، 3 لیدر یبگ، 5 گز پرایماکارڈ، 28 ڈیٹونیٹر، ایک پاور سپلائی، الیکٹرک ڈیٹونیٹروائر، دو ایریل وائرلیس انٹینا، دوعدد ایس ایم جی بنڈولیئر برآمد کئے۔

دوسری جانب ڈی پی او دیرلوئر عبد الرشید نے میڈیا کو بتایا کہ 10 جولائی کو دیرلوئر پولیس کے اے ایس آئی کو شہید کرنے والے دوملزمان کو بھی دیرلوئر پولیس نے گرفتار کیا ہے اور ملزمان آلہ قتل اورگاڑی بھی برآمد کی ہے۔