پی ڈی ایم کے کوئٹہ جلسے کے بعد کورونا کیسز میں اضافہ ہوگیا بشریٰ رند

شہباز شریف والدہ کو گارگو کرنے پر نواز شریف سے سخت ناراض ہیں، صوبائی پارلیمانی سیکریٹری برائے اطلاعات

ویب ڈیسک November 29, 2020

اپنے دور حکومت میں نواز شریف نے اتنے قرضے لیے کہ ہم توصرف ان کا سود ہی ادا کررہے ہیں، بشریٰ رند ۔ فوٹو : اسکرین گریب

صوبائی پارلیمانی سیکریٹری برائے اطلاعات بشریٰ رند کا کہنا ہے پی ڈی ایم کے کوئٹہ جلسے کے بعد کورونا کیسز میں اضافہ ہوگیا۔

کوئٹہ میں پریس کانفرنس کرتے ہوئے بشریٰ رند نے کہا کہ کورونا کی دوسری لہر زیادہ خطرنا ک ہے، اپوزیشن جلسے کر کے عوام کی جان خطرے میں ڈال رہی ہے، پی ڈی ایم کے کوئٹہ جلسے کے بعد کورونا کیسز میں اضافہ ہوگیا۔

ملکی معاشی حالات کی خرابیوں کا ذمہ دار نواز شریف کو قراردیتے ہوئے بشرٰ رند نے کہا کہ اپنے دور حکومت میں نواز شریف نے اتنے قرضے لیے کہ ہم توصرف ان کا سود ہی ادا کررہے ہیں، نواز شریف نے اپنے دور میں شاہی نظام سمجھ عوام کو حق نہیں دیا۔

پارلیمانی سیکریٹری برائے اطلاعات نے کہا کہ شہباز شریف والدہ کو گارگو کرنے پر نواز شریف سے سخت ناراض ہیں، نواز شریف پاکستان آکر کیسز کا سامنا کیوں نہیں کرتے۔ انہوں نے کہا کہ مریم نواز کے کے والد کے دور میں سب سے زیادہ لوگ لاپتہ ہوئے، آج جام کمال کے دور میں لاپتہ افراد بازیاب ہورہے ہیں۔