روزنامہ ایکسپریس کے معروف کالم نگار اور سینیئرصحافی عبدالقادرحسن انتقال کرگئے

اسٹاف رپورٹر  پير 30 نومبر 2020
عبدالقادر حسن 2006 سے تادم مرگ روزنامہ ایکسپریس سے وابستہ رہے۔ (فوٹو، فائل)

عبدالقادر حسن 2006 سے تادم مرگ روزنامہ ایکسپریس سے وابستہ رہے۔ (فوٹو، فائل)

 لاہور: سینیئر صحافی اور معروف کالم نگار عبدالقادر حسن 89 برس کی عمر میں انتقال کرگئے۔

عبدالقادر حسن نے اپنے صحافتی سفر کی شروعات بطور سیاسی رپورٹر کی۔ ان کا شمار اپنے دور کے بہترین سیاسی رپورٹرز میں ہوتا تھا۔ رپورٹنگ کے بعد عبدالقادر حسن نے غیر سیاسی باتیں کے عنوان سے کالم نگاری کا آغاز کیا، جسے سیاسی و عوامی حلقوں میں بے پناہ پذیرائی ملی۔

معروف کالم نگار عبدالقادر حسن  2006ء سے  تادم مرگ روزنامہ ایکسپریس  سے وابستہ رہے ، ان کا آخری کالم دو روز قبل ایکسپریس میں شائع ہوا۔

عبدالقادر حسن کا آخری کالم: بے وفائی کی سزا

ان کے  کے اپنے دور کے معروف سیاستدانوں نوابزادہ نصر اللہ، میاں محمود قصوری اور میاں معراج خالد سے گہرے تعلقات تھے جبکہ ذوالفقار علی بھٹو شہید سے بھی اچھے مراسم تھے۔ عبدالقادر حسن کی نماز جنازہ منگل کی صبح نو بجے ڈیفنس کی مقامی مسجد میں ادا کی جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔