پی آئی اے کا موسمِ سرما کی چھٹیوں کے لیے کرایوں میں بڑی کمی کا اعلان

ویب ڈیسک  بدھ 2 دسمبر 2020
موسم سرما کی چھٹیوں کیلئے خصوصی رعایتی کرائے متعارف کرادیے(فوٹو، فائل)

موسم سرما کی چھٹیوں کیلئے خصوصی رعایتی کرائے متعارف کرادیے(فوٹو، فائل)

 کراچی: پاکستان ایئر لائن نے نے موسم سرما کی چھٹیوں کیلئے خصوصی رعایتی کرائے متعارف کرادیے۔

ترجمان پی آئی اے عبداللہ خان کے مطابق کرایوں میں 30 فیصد رعایت تمام اندرون ملک پروازوں پر دی گئی ہے۔اندرون ملک یک طرفہ کرایہ 12،275 سے کم ہو کر 8،500 ہو گیا ہے،جبکہ اندرون ملک دوطرفہ کرایہ24،600 سے کم ہو کر 17،000 روپے کردیا گیا۔ رعائتی کرایوں پر عمل درآمد بدھ کی رات 12 بجے سے کردیا گیا۔

ترجمان پی آئی اے کے مطابق کرایوں میں کمی کا مقصد موسم سرما کی چھٹیوں میں سفر کیلئے عوام کی حوصلہ افزائی کرنا ہے،اسکولوں میں چھٹیوں کے دوران سفر کرنا اور گھر آنا سب کی خواہش ہوتی ہے،پی آئی اے کی جانب سے خصوصی کمی تمام ایسے لوگوں کیلئے تحفہ ہے ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔