شہزاد رائے طیارے میں سماجی فاصلہ نہ ہونے پر پی آئی اے انتظامیہ پر برہم

سماجی فاصلہ برقرار رکھنے کے لیے ادارے کی بنائی ہوئی کوئی حکمت عملی ہے بھی یا نہیں؟ گلوکار (فوٹو: فائل)

---

گلوکار و سماجی رہنما شہزاد رائے پی آئی اے کے جہاز میں سماجی فاصلہ نہ ہونے پر انتظامیہ پر بھڑک اُٹھے۔

اپنے ٹویٹ میں شہزاد رائے نے کہا کہ کورونا وائرس کی وجہ سے احتیاطی تدابیر پر عمل کرتے ہوئے ماضی میں طیارے کی درمیان والی سیٹوں کو سماجی فاصلے کے تحت خالی رکھا جاتا تھا لیکن آج ایسی کوئی صورتحال نظر نہ آئی۔

انہوں نے یہ بھی کہا کہ کراچی سے اسلام آباد جانے والی پی آئی اے کی فلائٹ پی کے 300 میں سفر کیا تو جہاز مکمل طور پر لوگوں سے بھرا ہوا تھا۔ ساتھ ہی شہزاد رائے نے برہمی کا اظہار کرتے ہوئے کہا کہ سماجی فاصلہ برقرار رکھنے کے لیے ادارے کی بنائی ہوئی کوئی حکمت عملی ہے بھی یا نہیں۔

Today I traveled from khi to isb on @Official_PIA Pk 300. Previously middle seats were kept vacant for social distancing but today it was jam packed . Is there any policy to maintain social distancing or not?

— Shehzad Roy (@ShehzadRoy) December 23, 2020

واضح رہے کہ شہزاد رائے گلوکار کے ساتھ ساتھ سماجی کاموں میں بھی بھرپور کردار ادا کرتے نظر آتے ہیں۔ بالخصوص سرکاری اسکولوں میں بہتر نظام تعلیم اور تعلیم کے فروغ کے لیے وہ ہمیشہ کوشاں رہتے ہیں۔