سجل علی کی جمائمہ کی فلم سے ہالی ووڈ میں انٹری پر فنکاروں کی مبارکبادیں

کراچی: اداکارہ سجل علی کی جمائمہ گولڈ اسمتھ کی فلم سے ہالی ووڈ میں انٹری پر ماہرہ خان اور ہمایوں سعید سمیت متعدد فنکاروں نے انہیں مبارکباد دی ہے۔

اداکارہ سجل علی وزیراعظم عمران خان کی سابق اہلیہ جمائمہ گولڈ اسمتھ کی پروڈکشن میں بننے والی فلم ’’واٹس لو گوٹ ٹو ودھ اٹ‘‘ کے ذریعے ہالی ووڈ میں انٹری دینے جارہی ہیں۔ دو روز قبل جمائمہ گولڈ اسمتھ نے خود اس خبر کی تصدیق کی تھی کہ سجل علی اور بھارتی اداکارہ شبانہ اعظمی ان کی فلم میں شامل ہیں۔

There are only two people more excited than me that @AsimC86 has agreed to be in this film- my two sons- who are massive fans. https://t.co/VtRhojGI9b

— Jemima Goldsmith (@Jemima_Khan) January 15, 2021

یہ خبر منظر عام پر آتے ہی ماہرہ خان اور ہمایوں سعید سمیت متعدد فنکاروں کی جانب سے سجل علی کو مبارکباد دینے کا سلسلہ جاری ہے۔ ہمایوں سعید نے کہا یہ پاکستان کے لیے بہت ہی فخر کا لمحہ ہے۔ سجل تمہیں بہت مبارک ہو۔ تمہاری محنت اور لگن تمہیں یہاں تک لائی ہے اور انشااللہ اس سے بھی آگے لے جائے گی تم ہمیشہ ایسے ہی چمکتی رہو۔

What a proud moment for Pakistan; many congratulations to you Sajal. Your tremendous hard work and passion has brought you here and will take you further insha Allah. May you continue to shine @Iamsajalali https://t.co/xUUJEzZUEt

— Humayun Saeed (@iamhumayunsaeed) January 16, 2021

ماہرہ خان نے سجل علی کو مبارکباد دیتے ہوئے کہا یہ بہت حیرت انگیز ہے مجھے تم پر فخر ہے۔

اداکارہ انوشے اشرف، زارانور عباس، علی رحمان خان، یاسر حسین، بلال اشرف، مرزا گوہر رشید سمیت متعدد فنکاروں نے انہیں مبارکباد دی۔ یاسر حسین نے کہا سجل تم بہت ہی بہترین اداکارہ ہو۔ یہی بات بہت جلد شبانہ جی بھی کہیں گی۔

جمائمہ گولڈ اسمتھ کی فلم ’’واٹس لو گوٹ ٹو ودھ اٹ‘‘ کی دیگر کاسٹ میں بھارتی اداکارہ شبانہ اعظمی، ایما تھامپسن، للی جیمز اور شاہزاد لطیف شامل ہیں۔ جب کہ شیکھر کپور فلم کی ہدایات دیں گے۔ اس رومینٹک کامیڈی فلم کی کہانی خود جمائمہ گولڈ اسمتھ نے لکھی ہے اور فلم کی کہانی سے متعلق کہا جارہا ہے کہ یہ کہانی جمائمہ اور عمران خان کی زندگی سے متاثر ہوکر لکھی گئی ہے۔ تاہم ابھی تک جمائمہ نے اس حوالے سے کوئی وضاحت نہیں دی ہے۔