پاکستانی طالبہ اے سی سی اے میں سب سے زیادہ نمبر لے کر سرِفہرست

پاکستان کی زارا نعیم نے اے سی سی اے کے امتحان میں پوری دنیا میں اول پوزیشن حاصل کی ہے۔ فوٹو: فائل

---

 

پاکستانی طالبہ زارا نعیم ڈار نے ایسوسی ایشن آف چارٹرڈ سرٹیفائیڈ اکاؤنٹنٹس کے دسمبر 2020ء کے امتحان میں پوری دنیا میں سب سے زیادہ نمبر لے کر پاکستان کے لیے ایک اعزاز حاصل کیا ہے۔

اس امتحان میں 179 ممالک کے 5 لاکھ 27 ہزار طلبا و طالبات شریک تھے جس میں زارا نعیم نے سرِ فہرست رہ کرپاکستان کے لیے ایک اہم اعزاز حاصل کیا ہے۔

لاہور کی رہائشی زارا نعیم، ایس کے اے این ایس اسکول آف اکاؤنٹنگ کی طالبہ ہیں اور وہ فائنینشل رپورٹنگ کے امتحان میں پوری دنیا میں اول رہی ہیں۔ زارا نعیم نے اس حوصلہ افزائی اور سراہنے پر قوم کا شکریہ ادا کیا ہے۔ اپنی کامیابی کے لیے انہوں نے بطورِ خاص اپنے والد کا شکریہ ادا کیا جن کی فراہم کردہ تعلیم، تربیت اور حوصلہ افزائی سے ہی وہ اس مقام تک پہنچی۔

 

Zara credits this success to her father (also pictured) who's always encouraged all the girls in the family to pursue their dreams and smash all artificial barriers. pic.twitter.com/8cG4sCzUqr

— ACCA Pakistan (@ACCA_PK) February 12, 2021

زارا نے کہا ہے کہ ان کے والد عسکری افسر ہیں اور وہ ہی ان کے اصل ہیرو بھی ہیں۔ زارا نے اپنے انسٹا گرام اکاؤنٹ میں بتایا کہ انہوں نے اپنے والد کو کیریئر کی بلندیوں پر جاتے دیکھا ہے اور یہی وجہ ہے کہ وہ ان کے لیے ایک اہم مشعلِ راہ ہیں۔

زارا کی اس کامیابی پر وزیر برائے اطلاعات و نشریات شبلی فراز نے بھی اپنی مسرت کے اظہار کا ٹویٹ کیا ہے۔

Zara Naeem Dar has become pride of the nation by topping the ACCA exams across the world.Congratulations.

— Senator Shibli Faraz (@shiblifaraz) February 15, 2021

پروپاکستانی نامی ویب کے مطابق زارا نعیم اس کامیابی کے بعد خود اپنی کمپنی کھولنے کی خواہاں ہیں کیونکہ وہ پراعتماد ہیں کہ وہ اس طرح بین الاقوامی کارباری اداروں اور کلائنٹس کا اعتماد جیت سکیں گی۔