رنبیر کا کورونا ٹیسٹ مثبت آنے پر عالیہ وائرس کے خوف میں مبتلا

عالیہ روزانہ کی بنیاد پر اپنا کووڈ ٹیسٹ کروارہی ہیں، بھارتی میڈیا۔ فوٹو : فائل

---

رنبیر کپور کا کورونا ٹیسٹ مثبت آنے کے بعد عالیہ بھٹ وائرس کے خوف میں مبتلا ہوگئی ہیں۔

ہدایت کار سنجے لیلا بھنسالی اور اداکار رنبیر کپور کے کورونا ٹیسٹ مثبت آنے کے بعد عالیہ بھٹ کافی پریشان ہوگئی ہیں اور روزانہ کووڈ ٹیسٹ کروارہی ہیں تاہم عالیہ بھٹ کا کووڈ 19 کا ٹیسٹ منفی آیا ہے۔

بھارتی میڈیا کے مطابق عالیہ بھٹ نے رنبیر کے کورونا وائرس کا شکار ہونے کے بعد روزانہ کی بنیاد پر اپنا کووڈ ٹیسٹ کروایا ہے تاہم آج بھی انہوں نے ٹیسٹ کرایا جو منفی آیا ہے، اسکے باوجود اداکارہ نے خود کو قرنطینہ کرلیا ہے۔

اس خبر کو بھی پڑھیں : رنبیرکپورکا کورونا ٹیسٹ مثبت آگیا

واضح رہے کہ اداکار رنبیر کپور اور ہدایت کار سنجے لیلا بھنسالی کا کا کورونا ٹیسٹ مثبت آیا ہے جب کہ عالیہ بھٹ دونوں ہی کے ساتھ فلم کی شوٹنگ میں مصروف تھیں۔