ڈرامہ نگار حسینہ معین کے انتقال پر شوبز فنکاروں کا اظہار افسوس

آپ اپنے کام کی وجہ سے آنے والی نسلوں کے لئے ہمیشہ زندہ رہیں گی، ماہرہ خان۔ فوٹو:فائل

---

ISTANBUL: معروف ڈرامہ نگار حسینہ معین کے انتقال پر شوبز فن کاروں نے افسوس کا اظہار کیا ہے۔

دھوپ کنارے، ان کہی، تنہائیاں ، شہزوری، انکل عرفی، پرچھائیاں اور دیس پردیس جیسے کئی متعدد ڈرامے لکھنے والی حسینہ معین آج خالقِ حقیقی سے جا ملیں۔

پاکستانی ڈراموں کو اصل پہچان دینے والی حسینہ معین کے انتقال کی خبر جنگل کی آگ کی طرح پھیل گئی جس پر نہ صرف اُن کے چاہنے والوں نے بلکہ شوبز سے وابستہ فنکاروں نے افسوس کا اظہار کیا۔

[instagram-post url="https://www.instagram.com/p/CM4U0nghbWu/"]

ماہرہ خان نے مرحوم حسینہ معین صاحبہ کے ماضی کے مشہور ترین ڈراموں کی کچھ جھلکیاں شیئر کیں جس کے کیپشن میں انہوں نے لکھا کہ ' ان ڈراموں کے بول اور کردار حسینہ معین صاحبہ کے علاوہ اور کسی کے نہیں ہو سکتے، قوم اور انڈسٹری کے لیے کیے جانے والے کام کی وجہ سے آنے والی نسلوں کے لیے آپ ہمیشہ زندہ رہیں گی۔

إِنَّا لِلّهِ وَإِنَّـا إِلَيْهِ رَاجِعُونَ

Haseena apa's invaluable contribution to our drama industry helped pave the way for many. Not only was she a great writer but a woman of great strength who continued to mentor us till her last breath. May she rest in eternal peace pic.twitter.com/fJIIJ38jYL

— Humayun Saeed (@iamhumayunsaeed) March 26, 2021

ہمایوں سعید نے اپنی ٹویٹ میں اظہار تعزیت کرتے ہوئے لکھا کہ ڈراموں کے لیے حسینہ معین آپا کی خدمات نے بہت سے لوگوں کے لیے راہ ہموار کی ہے، وہ نہ صرف بہترین مصنفہ تھیں بلکہ مضبوط خاتون بھی تھیں جوکہ زندگی کی آخری سانس تک ہماری سرپرست رہیں۔

#HaseenaMoin to me apa , is no more. You were always larger than life,no amount of reflection & words can do justice to the void you have left behind for the industry & in our hearts. An icon for women empowerment, magician with words and pen,Apa we miss you.Will always miss you

— Faysal Quraishi (@faysalquraishi) March 26, 2021

فیصل قریشی نے بھی حسینہ معین کے لیے تعریفی کلمات ادا کرتے ہوئے کہا کہ حسینہ آپا اب ہمارے درمیان نہیں رہی ہیں، قلم کے ذریعے خواتین کو بااختیار بنانے والی حسینہ آپا کو ہم ہمیشہ یاد کریں گے۔

[instagram-post url="

View this post on Instagram

"]

فہد مصطفیٰ نے ڈرامہ نگار کی تصویر شیئر کی جس کے کیپشن میں انہوں نے حسینہ آپا کے انتقال کو ناقابل تلافی نقصان قرار دیتے ہوئے کہا کہ اللہ پاک اُن کو جوار رحمت میں جگہ عطا فرمائے۔

[instagram-post url="https://www.instagram.com/p/CM3np7dlBFi/"]

عمران عباس کا کہنا ہے کہ پاکستانی بہترین ڈراموں کی تخلیق کار اور میری پہلی سیریل کی مصنفہ آج ہمیں چھوڑ گئی، پاکستانی ڈراموں کو جس مقام پر آپ نے پہنچایا اس کے لیے ہم جتنا بھی شکریہ ادا کر لیں وہ پھر بھی ناکافی رہے گا۔