طالبان نے افغانستان کے معروف کامیڈین کو بیدردی سے قتل کردیا

قندھار:  مشہور افغان مزاحیہ اداکار نذر محمد المعروف ’خاشا زوان‘ کو مبینہ طور پر طالبان نے اغوا کے بعد بدترین کا تشدد کا نشانہ بناکر قتل کر دیا تاہم طالبان نے اس کی تردید کی ہے۔

طلوع نیوز کے مطابق قندھار کے کامیڈین خاشازوان کی تشدد زدہ لاش ملی ہے، اُن کے اہل خانہ نے قتل کا ذمہ دار طالبان کو ٹھہرایا ہے تاہم طالبان نے اداکار کے قتل میں ملوث ہونے کی تردید کی ہے۔

یہ خبر پڑھیں : طالبان کا زیراثرعلاقوں میں داڑھی کٹوانے اور خواتین کے باہر نکلنے پر پابندی کا حکم 

جنگ زدہ صوبے قندھار میں طالبان نے اکثر علاقوں میں جھڑپوں کے بعد کنٹرول حاصل کرلیا اور اسی دوران مزاحیہ اداکار نذر محمد کو جمعرات کے روز سادہ لباس میں ملبوس مسلح افراد نے اغوا کیا اور منگل کو ان کی لاش مل گئی۔

This video shows the moment, Kandahari comedian, Khasha was arrested by the Taliban, Slapping him inside the car and then killed him. pic.twitter.com/E642Y52uto

— Tajuden Soroush (@TajudenSoroush) July 27, 2021

سوشل میڈیا پر وائرل ہونے والی ایک ویڈیو میں دیکھا جا سکتا ہے کہ مسلح افراد نے اداکار کے ہاتھ پشت پر باندھ گاڑی میں بٹھایا ہوا ہے اور منہ پر تھپڑ مار رہے ہیں۔ تھپڑ مارنے والا شخص اداکار کو مغلظات بھی بک رہا ہے۔

Afghan famous humorist Khasha jawan have been killed by Talibs Fighters in Kandahar province. pic.twitter.com/eBHS3zPSQn

— The 3rd World (@3rdNewspaper) July 27, 2021

ٹویٹر پر صارفین نے قتل کی مذمت کرتے ہوئے لکھا کہ جنگ زدہ قوم کے چہروں پر مسکراہٹ بکھیرنے والے کامیڈین کو بے دردی سے قتل کردیا گیا جس نے مرنے سے کچھ دیر پہلے اپنے قاتلوں کو بھی ہنسانے کی کوشش کی تھی۔

واضح رہے کہ افغانستان میں ترجمان طالبان ڈاکٹر نعیم نے چند روز قبل اپنے ایک بیان میں کہا تھا کہ طالبان کی فتح سے خوف زدہ ذہنوں نے خود ساختہ اور گمراہ کن تصاویر، ویڈیوز اور جھوٹی خبریں پھیلانا شروع کردی ہیں جن کا طالبان سے کچھ لینا دینا نہیں۔