محکمہ صحت سندھ کا خواجہ سراؤں کی ویکسینیشن کا فیصلہ

خواجہ سراؤں کو سنگل ڈوز ویکسین لگائی جائے، محکمہ صحت سندھ۔ فوٹو:فائل

---

LONDON: محکمہ صحت سندھ نے خواجہ سراؤں کی ویکسینیشن کا فیصلہ کرلیا۔

ایکسپریس نیوز کے مطابق محکمہ صحت سندھ نے خواجہ سراؤں کی ویکسینیشن کا فیصلہ کیا ہے، اور محکمہ صحت نے کہا ہے کہ خواجہ سراؤں کی ویکسینیشن کے لیے انہیں شناختی کارڈ کی بھی ضرورت نہیں۔

محکمہ صحت سندھ نے کہا ہے کہ خواجہ سراؤں کو سنگل ڈوز ویکسین لگائی جائے، ان کے گھروں کے قریب ویکسینیشن کیمپ لگائیں جائیں اور ان کے گھروں میں جاکر انہیں آگاہی دی جائے۔

محکمہ صحت کا کہنا ہے کہ خواجہ سراوں کے زریعے کرونا پھیلنے کے امکانات زیادہ ہیں، 2017 کی مردم شماری کے مطابق خواجہ سراؤں کی تعداد 10 ہزار 418 ہے، جب کہ عام اندازے کے مطابق سندھ میں خواجہ سراؤں کی تعداد 5 لاکھ ہے۔