یوٹیوبر کی خود کو تابوت میں بند کرکے قبر میں 6 گھنٹے گزارنے کی ویڈیو وائرل

ویب ڈیسک  ہفتہ 4 ستمبر 2021
یوٹیوبر نے خود کو تابوت میں بند کرکے 6 گھنٹے قبر میں گزارے، فوٹو: ویڈیو گریب

یوٹیوبر نے خود کو تابوت میں بند کرکے 6 گھنٹے قبر میں گزارے، فوٹو: ویڈیو گریب

 انقرہ: ترکی میں 25 سالہ  یو ٹیوب اسٹار محمد بہجیجک نے خود کو قبر میں دفن کرلیا۔

عالمی خبر رساں ادارے کے مطابق ترکی میں محمد بہجیجک نامی نوجوان یوٹیوبر نے ساڑھے لاکھ سبسکرائبر ہونے کے بعد فالورز سے کیا گیا وعدہ خود کو دفن کرکے پورا کردیا۔

یوٹیوبر نے اپنے فالورز سے وعدہ کیا تھا کہ ساڑھے چار لاکھ سبسکرائبر ہونے پر وہ خود کو ایک تابوت میں بند کرکے کئی گھنٹے قبر میں گزاریں گے اور اس کی ویڈیو اپنے یوٹیوب چینل پر اپ لوڈ بھی کریں گے۔

اس مقصد کے لیے نوجوان یوٹیوبر اسٹار نے خصوصی تابوت بنوایا تھا جس کی تیاری میں 20 ہزار لیرا کا خرچہ آیا تھا۔ قبر میں 6 گھنٹے رہنے کے تجربے دوران کسی ہنگامی صورت حال سے نمٹنے کے لیے ایمبولینس اور میڈیکل ٹیم بھی موجود تھی۔

میڈیکل ٹیم کے پاس آکسیجن سیلنڈر، کیمرے، ریڈیو اور متعدد طبی آلات بھی رکھے تاکہ قبر میں موجودگی کے دوران یوٹیوبر کی صحت کی نگرانی کی جا سکے۔

نوجوان یوٹیوبر کو 6 گھنٹے بعد قبر سے نکالا گیا۔ ان کی حالت بہتر تھی اور انہوں نے یہ ویڈیو اپنے مداحوں کے نام کردی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔