عالمی ادارے سیاسی تعصب کے بغیر افغان عوام کی مدد کریں ملا عبدالغنی برادر

امریکا کی جانب سے ملک کے اربوں ڈالر کے اثاثے منجمد کر دیے گئے ہیں—فائل فوٹو

---

طالبان نے موسم سرما میں برف باری اور سیلاب کے باعث بدترین صورتحال کے پیش نظر انسانی امداد کے اداروں سے اپیل کی ہے کہ وہ سیاسی تعصب کے بغیر مدد کریں۔

افغان نائب وزیر اعظم عبدالغنی برادر نے ویڈیو پر مبنی ایک بیان میں اپیل کی کہ (افغان شہریوں) کی مدد کرنا عالمی برادری کی مجبوری ہے۔

انہوں نے کہا کہ متعدد جگہوں میں لوگ غذائی قلت سامنا، گرم کپڑوں اور رہائش سے محروم ہیں۔

مزید پڑھیں: امریکی فوج کی شاہ خرچیاں؛ افغانستان میں 9 بکریوں پر60 لاکھ ڈالر خرچ کر ڈالے

ان کا کہنا تھا کہ دنیا کو بغیر کسی سیاسی تعصب کے افغان عوام کی حمایت کرنا ہوگی اور اپنی انسانی ذمہ داریوں کو پورا کرنا ہوگا۔

عبدالغنی برادر نے کہا کہ موسم نے افغان عوام کی پہلے سے 'حساس صورتحال' کو مزید خراب کر دیا ہے، طالبان ملک بھر میں بین الاقوامی امداد کی تقسیم میں مدد کے لیے تیار ہیں۔

انہوں نے کہا کہ ہم بین الاقوامی برادری، این جی اوز اور تمام ممالک سے مطالبہ کرتے ہیں کہ وہ اپنے غریب لوگوں کو نہ بھولیں۔

Fitst Dep. PM Mullah Abdul Ghani Baradar said that Afghanistan is in a critical situation. “On the one side, there are the oppressive sanctions, and on the other side there is no infrastructure in Afghanistan from the past 20 years to facilitate job opportunities for citizens." pic.twitter.com/yDCVxW6kvh

— TOLOnews (@TOLOnews) January 7, 2022

خیال رہے کہ بگڑتے ہوئے انسانی بحران سے نمٹنے کے لیے طالبان کے ایک سینئر رہنما کی طرف سے کی جانے والی پہلی براہ راست اپیل تھی۔

اگست کے وسط میں طالبان کے افغانستان پر کنٹرول کے بعد سے مہنگائی اور بے روزگاری کا سامنا ہے۔

امریکا کی جانب سے ملک کے اربوں ڈالر کے اثاثے منجمد کر دیے گئے ہیں، جبکہ امدادی رسد میں بہت زیادہ خلل پڑا ہے۔