لڑکی کو ہراساں کرنے اور تشدد کا نشانہ بنانے والا ملزم گرفتار

 لاہور: پنجاب کے علاقے ہڈیارہ میں لڑکی پر تشدد کرنے والے شخص کو پولیس نے گرفتار کرلیا۔

ایکسپریس نیوز کے مطابق لاہورمیں ہڈیارہ پولیس نے لڑکی کو ہراساں اور تشدد کرنے والا ملزم آصف کو گرفتار کر کے مقدمہ درج کرلیا۔

ایس ایچ اور ہڈیارہ محمد سجاد نے بتایا کہ ملزم نے گلی میں جاتی ہوئی لڑکی کو چھیڑا اور منع کرنے پر اُسے تشدد کا نشانہ بنا کر نازیبا زبان استعمال کی۔

ایس ایچ او کے مطابق لڑکی کی درخواست پر ملزم کو گرفتار متاثرہ خاتون کی مدعیت میں مقدمہ درج کرلیا۔ ایس پی کینٹ عیسیٰ سکھیرا کا کہنا تھا کہ معاشرے میں خواتین کو مکمل تحفظ فراہم کیا جائے گا، خواتین کو ہراساں، زیادتی اور تشدد کرنے والوں کو کسی صورت معاف نہیں کیا جائے گا۔