وزیراعظم لاہور پہنچ گئے، ق لیگ کی قیادت سے ملاقات

لاہور: پنجاب میں سیاسی بحران کے پیش نظر وزیراعظم عمران خان لاہور پہنچ گئے جہاں انہوں نے ق لیگ کی قیادت سے ملاقات کی۔

ایکسپریس نیوز کے مطابق وزیراعظم عمران خان ایک روزہ دورے پر لاہور پہنچ گئے۔ پارٹی رہنما شاہ محمود قریشی اور فواد چوہدری بھی وزیراعظم کے ہمراہ ہیں۔

وزیراعظم نے ق لیگ کے رہنما و اسپیکر پنجاب اسمبلی چوہدری پرویز الہٰی اور مونس الہٰی سے ملاقات کی جس میں نئے وزیر اعلیٰ پنجاب کے انتخاب اور اسمبلی اجلاس بلانے کے حوالے سے بات چیت کی گئی۔

یہ پڑھیں : نئے وزیراعلیٰ کا انتخاب؛ پنجاب اسمبلی کا اجلاس 16 اپریل تک موخر

دریں اثنا وزیراعظم تحریک انصاف کے کارکنوں کی افطار کی تقریب سے خطاب بھی کریں گے، یہ تقریب گورنر ہاؤس میں ہوگی۔