- اسلام آباد پولیس نے عام افراد کا ریڈ زون میں داخلہ بند کردیا
- بھارتی فوج کی سرحد پر فائرنگ؛2 بنگلادیشی نوجوان جاں بحق
- ججز کے خلاف مہم کا معاملہ سماعت کے لیے مقرر
- بشام حملے کے دہشتگردوں کے تانے بانے افغانستان سے ملتے ہیں، ترجمان دفتر خارجہ
- سانحہ 9 مئی؛ وزیراعظم کی صدارت میں کابینہ کا خصوصی اجلاس جاری
- عامر کا ویزہ ایشو؛ پی سی بی نے کرکٹ آئرلینڈ کو خبردار کردیا
- 9 مئی کے منصوبہ سازوں اور سہولت کاروں کیساتھ کوئی سمجھوتا نہیں ہوگا، آئی ایس پی آر
- کراچی کے بجلی صارفین کیلیے قیمت میں 18.86 روپے اضافے کی درخواست
- لاہور اور کراچی سے حج پروازوں کا آغاز؛ اللہ کے مہمان حجاز مقدس روانہ
- پی ایس ایل10؛ پشاور زلمی ہوم گرؤانڈ پر اِیکشن میں ہوگی
- وزیر اطلاعات سے چینی سفیر کی ملاقات، معاشی بحالی سمیت دیگر امور پر گفتگو
- پنجاب اور سندھ میں شدید گرمی، میدانی علاقوں میں ہیٹ ویو کے امکانات
- شمالی وزیرستان میں لڑکیوں کا پرائیویٹ اسکول بموں سے اڑا دیا گیا
- کراچی؛ جھگڑے میں فائرنگ سے 3 بچوں کا باپ ہلاک، والد اور دوست زخمی
- بشریٰ بی بی کا جیل میں تحفظ ریاست کی ذمے داری ہے، اسلام آباد ہائیکورٹ
- پی ایس ایل9؛ منافع اور نقصانات کی ابتدائی تفصیل منظر عام پر آگئی
- 9 مئی ممکنہ احتجاج؛ پی ٹی آئی رہنماؤں کے گھروں پر پولیس کے چھاپے
- لاہور ائرپورٹ لاونج میں شارٹ سرکٹ سے آگ لگ گئی، حج پرواز متاثر
- بھارتی مسلمان گورنر کا رام مندر میں ہندو دیوتا کو سجدہ، ویڈیو وائرل
- آئی پی ایل؛ لکھنؤ سپر جائنٹس کے اونر اپنی ہی فرنچائز کے کپتان پر برہم، ویڈیو وائرل
وزیراعظم کی زیر صدارت کراچی میں اجلاس، کے سی آر کو سی پیک میں شامل کرنے کی یقین دہانی
کراچی: وزیر اعظم میاں محمد شہباز شریف نے کے سی آر کو سی پیک میں شامل کرنے کی یقین دہانی کرادی۔
شہباز شریف اسلام آباد سے ایک روزہ دورہ پر کراچی پہنچے۔ اراکینِ قومی اسمبلی شاہد خاقان عباسی، مریم اورنگزیب، مفتاح اسماعیل بھی وزیرِ اعظم کے ہمراہ ہیں۔
وزیرِ اعظم نے سب سے پہلے اتحادی رہنماؤں کے ساتھ بابائے قوم قائد اعظم کے مزار پر حاضری دی، انہوں نے مزارِ قائد پر پھولوں کی چادر چڑھائی اور فاتحہ خوانی کی۔ وزیراعظم کو مزار پر گارڈ آف آنر پیش کیا گیا، وزیراعظم شہباز شریف نے مہمانوں کی کتاب میں اپنے تاثرات درج کیے۔
PM Shehbaz Sharif conducts a meeting on Karachi and the economy during his flight. Pakistan انشاءاللہ will move forward so fast it will be called "Pakistan Speed". pic.twitter.com/8UlViqTrnc
— Marriyum Aurangzeb (@Marriyum_A) April 13, 2022
مزارِ قائد کے بعد وزیراعظم وزیراعلیٰ ہاؤس پہنچے، جہاں انہوں نے مراد علی شاہ سے ملاقات کی جس میں ملک کی سیاسی، معاشی اور دیگر معاملات پر گفتگو کی گئی۔
شہباز شریف نے صوبہ سندھ اور بالخصوص کراچی میں ترقیاتی منصوبوں پر مشاورتی اجلاس کی صدارت کی جس میں انہیں سندھ اور بالخصوص کراچی کے مسائل اور تجاویز پر تفصیلی بریفنگ دی گئی۔
وزیراعلیٰ سندھ نےوزیراعظم شہباز شریف کو بی آر ٹی پروجیکٹس پر بریفنگ دیتے ہوئے کہا کہ حکومت سندھ ریڈ لائن بی آر ٹی سسٹم شروع کر رہی ہے، جس کے لئے 250 بایو ہائبرٹ بسز خریدی جائینگی، جن میں 3 لاکھ 50 ہزار سے زائد مسافر روزانہ سفر کرینگے۔
وزیراعظم کی بی آر ٹی بسوں کی خریداری میں سندھ حکومت کو مدد کی یقین دہانی
وزیراعلیٰ سندھ سید مراد علی شاہ نے کہا کہ بی آر ٹی ییلو لائن 17.6 کلومیٹر ہوگا، ان بی آر ٹی پروجیکٹس کے لئے 2000 الیکٹرک بسز خریدنے کا منصوبہ ہے۔ وزیراعلیٰ سندھ نے وزیراعظم کو بسز کی خریداری کے پروجیکٹس میں 50 فیصد اخراجات دینے کی درخواست کی۔ وزیراعظم نے بسوں کی خریداری پر وفاقی حکومت کی جانب سے سندھ حکومت کو بھرپور مدد کی یقین دہانی کرائی۔
وزیراعلیٰ سندھ مراد علی شاہ نے وزیراعظم کو کراچی سرکلر ریلوے پر بریفنگ دیتے ہوئے درخواست کی کی کہ کے سی آر کو سی پیک کے تحت تعمیر کیا جائے۔ وزیراعظم نے وزیراعلیٰ سندھ کو کے سی آر کو واپس سی پیک میں شامل کرنے کی یقین دہانی کرائی۔
چیئرمین واپڈا نے کے فور پراجیکٹ پر وزیراعظم کو بریفنگ دیتے ہوئے کہا کہ یہ 260 ایم جی ڈی کا پراجیکٹ ہے اور اس کی مالیت 126 بلین روپے ہے۔ وزیراعظم نے کے فور پراجیکٹ کو 2024 تک ہر صورت مکمل کرنے اور اس کے لیے فنڈز مہیا کرنے کی ہدایت جاری کردی۔
وزیراعظم شہباز شریف نے اجلاس سے خطاب کرتے ہوئے کہا کہ 10 اپریل پاکستان کی تاریخ میں بڑا دن تھا، جب آئین کی فتح ہوئی اور ایک دھاندلی کی حکومت کا اختتام ہوا، ہمیں پی ٹی آئی حکومت کو نکالنے کے شادیانے بجانے کے بجائے عوام کی خدمت کرنی ہوگی، پاکستان کی ترقی تب ہوگی جب تمام صوبے ترقی کرینگے، ملک میں بیروزگاری،مہنگائی اور دیگر مسائل ہیں، ہمیں ان کو حل کرنا ہیں، سائیٹ کے علاقے کی جتنی بھی سڑکیں ہیں وفاقی حکومت ان کے اخراجات دیگی۔
وزیرِ اعظم کراچی میں متحدہ قومی موومنٹ پاکستان کی قیادت سے ملنے بہادر آباد بھی جائیں گے۔
’کراچی میں پانی کی ترسیل اور اس کی فراہمی کو بڑا چیلنج ہے‘
علاوہ ازیں وزیر اعظم شہباز شریف نے کراچی میں پانی کی ترسیل اور اس کی فراہمی کو بڑا چیلنج قرار دیا۔
انہوں نے سید مراد علی شاہ کے ہمراہ پریس کانفرنس کے دوران کے دوران کہا کہ کراچی میں پانی کے مسئلے پر تفصیلی گفتگو کی ہے اور متعلقہ ذمہ داران سے گزارش کی کہ 2014 تک قلت آب پر مکمل قابو پایا جائے اور اس ضمن میں کوئی منصوبہ زیر غور ہے اسے مکمل کیا جائے۔
شہباز شریف نے کہا کہ حکومت سندھ کراچی میں ٹرانسپورٹ کے لیے بہت کام کررہی ہے، کراچی کے لیے ایئر کنڈیشن بسیں شفاف طریقے سے منگوائی جائیں اور اس ضمن میں مقامی اسٹیک ہولڈرز کو شامل کرکے انہیں بینک سے انتہائی کم سود پر قرضے دلوائیں جائیں گے۔
چین کا سی پیک سے متعلق وزیر اعظم کے بیان کا خیر مقدم
ترجمان چینی وزارت خارجہ نے کہا ہے کہ وزیر اعظم شہباز شریف کا سی پیک کے بارے میں بیان خوش آئند ہے، اپنے آغاز سے ہی سی پیک پاکستان کی اقتصادی ترقی میں میں اہم کردار ادا کر رہا ہے۔
انہوں نے کہا کہ سی پیک پاکستان کے عوام کی زندگیوں میں اہم کردار ادا کر رہا ہے، چین پاکستان کے ساتھ پاک چین اقتصادی راہداری کی ترقی کیلیے ملکر کام جاری رکھنے کیلیے تیار ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔