سعودیہ سے اسٹیٹ بینک میں رکھے پیسے رواں سال واپس نہ لینے کی درخواست کی ہے مفتاح اسماعیل
عمران خان نے آئی ایم ایف کو کہا کہ ہم ڈیزل پرنقصان نہیں کریں گے، وفاقی وزیر خزانہ
وفاقی وزیر خزانہ مفتاح اسماعیل نے کہا ہے کہ سعودی عرب سے اسٹیٹ بینک آف پاکستان میں رکھے گئے پیسے رواں سال واپس نہ لینے اور تیل کی مقداربڑھانےکی درخواست کی ہے۔
کراچی میں دوران پریس کانفرنس انہوں نے سابق وزیراعظم کو کڑی تنقید کا نشانہ بناتے ہوئے کہا کہ عمران خان نےعالمی مالیاتی ادارے (آئی ایم ایف) سےملکی مفادات کےخلاف وعدے کیے، وہ وعدے کسی بارودی سرنگیں سے کم نہیں ہیں۔
مفتاح اسماعیل نے کہا کہ عمران خان ملک میں تیزترین شرح مہنگائی چھوڑکرگئےاور ملکی تاریخ کا سب سے زیادہ قرض لیا جبکہ موجودہ حکومت نےچینی کی قیمت کی۔
ان کا کہنا تھا کہ عمران خان کے دورمیں کرپشن کےبھی ریکار ڈقائم کیےگئے اور سابق خاتون اول بشریٰ بی بی کی دوست فرح گوگی اور شہزاد اکبر حکومت ختم ہوتے ہی ملک سے فرار ہوگئے، پنجاب میں فرح گجرکےکہنے پر ٹرانسفرپوسٹنگ کیوں ہوتی تھی؟ ہم تویہاں بیٹھے رہے، جیلیں کاٹیں اور یہ لوگ باہرکیوں جارہے ہیں۔
مفتاح اسماعیل نے کہا کہ آئی ایم ایف کوعمران خان نےکہا کہ ہم ڈیزل پرنقصان نہیں کریں گے، سابق وزیر اعظم نےسی پیک منصوبےکوتباہ کیا اور وہ آئی ایم ایف سےایسے وعدے کرکے گئے ہمیں پھنسادیا۔
انہوں نے کہا کہ آئی ایم ایف کا وفد جلد پاکستان کا دورہ کرے گا۔
