’’سینچری کی ڈیمانڈ نہیں، چاہتے ہیں کوہلی میچ وننگ اننگز کھیلیں‘‘

 لندن:  

بھارتی کرکٹ ٹیم کے ہیڈکوچ راہول ڈریوڈ کا کہنا ہے کہ سابق کپتان ویرات کوہلی پر کپتان روہت شرما کی انجری کا شکار ہونے کے بعد ذمہ داری بڑھ گئی ہے۔

میڈیا رپورٹس کے مطابق ہیڈ کوچ راہول ڈریوڈ کا کہنا ہے کہ انگلیںڈ کے خلاف پانچویں ٹیسٹ میں روہت شرما کی عدم دستیابی کی صورت میں ویرات کوہلی کے کندھوں پر بھاری ذمہ داری ہوگی، فینز اور ٹیم کو اسٹار کرکٹر سے سینچری کی کوئی ڈیمانڈ نہیں لیکن چاہتے ہیں کوہلی میچ وننگ اننگز کھیلیں۔

ہیڈکوچ نے کہا کہ انگلیںڈ کے خلاف ٹیسٹ میچ سے قبل روہت شرما کوویڈ کا شکار ہوگئے تھے جس کے باعثا نہیں قرنطینہ کردیا گیا ہے جبکہ میچ میں انکی شرکت بھی مشکوک ہے۔

مزید پڑھیں:انگلینڈ کے خلاف میچ سے قبل بھارت کو بڑا جھٹکا

قبل ازیں لیسٹرشائر کے ساتھ کھیلے گئے چار روزہ وارم اپ میچ کے دوران کوہلی نے 67 گیندوں پر 33 رنز کی اننگز کھیلی تھی۔

واضح رہے کہ سال 2019 میں ویرات کوہلی نے جنوبی افریقہ کے خلاف جوہانسبرگ میں سینچری اسکور کی تھی، جس کے بعد سے کوہلی مسلسل آؤٹ فارم چل رہے ہیں اور یہی وجہ ہے کہ انہیں کپتانی سے بھی ہاتھ دھونا پڑا تھا۔