بابراعظم ٹی20 میں تیز ترین 8 ہزار رنز بنانے والے دوسرے بلےباز

کوہلی نے اس ریکارڈ کو حاصل کرنے کیلئے 243 اننگز کا سہارا لیا تھا

ویب ڈیسک جمعـء 23 ستمبر 2022

(فوٹو: پی سی بی) کوہلی نے اس ریکارڈ کو حاصل کرنے کیلئے 243 اننگز کا سہارا لیا تھا

کراچی: قومی کرکٹ ٹیم کے کپتان بابراعظم ٹی20 کرکٹ میں تیز ترین 8 ہزار رنز مکمل کرنے والے دوسرے بلےباز بن گئے۔

انگلینڈ کے خلاف 66 گیندوں پر 110 رنز کی اننگز کھیلنے والے کپتان بابراعظم نے یہ سنگ میل 218 اننگز میں حاصل کیا جبکہ بھارت کے سابق کپتان ویرات کوہلی نے اس ریکارڈ کو حاصل کرنے کیلئے 243 اننگز کا سہارا لیا تھا۔

ویسٹ انڈیز کے جارح مزاج بلےباز کرس گیل نے 213 اننگز میں 8 ہزار رنز مکمل کیے تھے جو فہرست میں اب بھی ٹاپ پوزیشن پر قابض ہیں۔

قبل ازیں انگلینڈ کے خلاف دوسرے ٹی20 میچ میں بابراعظم اور رضوان کی اوپننگ جوڑی نے ٹی20 کی 36 اننگز میں 56.73 کی اوسط سے 1 ہزار 929 رنز بنارکھے ہیں جبکہ بھارتی جوڑی روہت شرما اور شیکھر دھون نے 52 اننگز میں 33.51 کی اوسط سے 1 ہزار 743 رنز اسکور کرنے میں کامیاب ہوئے تھے۔

گزشتہ روز کھیلے گئے میچ میں کپتان بابراعظم سب سے زیادہ ٹی20 انٹرنیشنلز میچز جیتنے والے پاکستانی کپتان بھی بن گئے ہیں، انہوں نے سرفراز احمد سے اعزاز چھین لیا تھا۔

Babar Azam has become the second fastest batter to reach 8,000 runs in T20s. Babar achieved the milestone in 218 innings while Virat Kohli did it in 243 innings. Chris Gayle is the quickest to 8,000 T20 runs doing it in 213 innings #Cricket #PAKvENG

— Saj Sadiq (@SajSadiqCricket) September 23, 2022