لیجنڈز لیگ آفریدی کی ایشیا لائنز کو پہلی شکست

انڈیا مہاراجہ نے ایشیا کو 10 وکٹوں سے ہرادیا (فوٹو: ٹوئٹر)

---

قطر میں جاری لیجنڈز لیگ کے چوتھے میچ میں انڈیا مہاراجہ ایشیا لائنز کو یکطرفہ مقابلے کے بعد 10 وکٹوں سے شکست دیدی۔

دوحا کرکٹ گراؤنڈ میں کھیلے گئے میچ میں ایشیا لائنز کی کپتانی کے فرائض مصباح الحق نے سرانجام دیئے جبکہ شاہد آفریدی کو آرام کروایا گیا، پہلے کھیلتے ہوئے مصباح الیون نے مقررہ 20 اوورز میں 5 وکٹوں کے نقصان پر 157 رنز بنائے۔

ایشیا لائنز کی جانب سے اوپل تھرنگا 69 رنز بناکر نمایاں رہے، انکی اننگز میں 7 چوکے اور 2 چھکے شامل تھے جبکہ دیگر کھلاڑیوں میں دلشان 32، اصغر افغان 15 جبکہ میچ کے اختتامی لمحات نے میں عبدالزاق نے 17 گیندوں پر 27 رنز بنائے۔

مزید پڑھیں: مصباح کی کوچنگ میں کھیلنے سے انکار، عامر کپتانی میں ساتھ کھیلنے لگے

انڈیا مہاراجہ کی جانب سے سریش رائنا نے 2 جبکہ پروین تانبے اور ہربھجن سنگھ نے ایک ایک وکٹ حاصل کی۔

ہدف کے تعاقب میں انڈیا مہاراجہ نے اننگز کا آغاز کیا تو اوپنر روبن اتھاپا اور کپتان گوتم گھمبیر نے جارحانہ کھیل پیش کیا، دونوں کھلاڑیوں نے 159 رنز کی وننگ پارٹنرشپ قائم کی اور ٹیم کو 10 وکٹوں سے فتحیاب کروایا۔

مزید پڑھیں: لیجنڈز لیگ، آفریدی کی ایشیا لائنز نے مسلسل دوسری فتح سمیٹ لی

روبن اتھاپا نے 39 گیندوں پر 88 جبکہ گوتم گھمبیر نے 36 گیندوں پر 61 رنز بنائے، ایشیا لائنز کا کوئی بھی بولر وکٹ حاصل کرنے میں کامیاب نہ ہوسکا۔
واضح رہے کہ لیجنڈز لیگ میں انڈیا مہاراجہ کی یہ پہلی فتح تھی جبکہ ایشیا لائنز کو ٹورنامنٹ میں پہلی ہار کا سامنا کرنا پڑا۔

Points Table Update after Match Day 4.

The table has changed on the lower half!

Maharajas make a majestic leap to second place while Asia Lions hold their ground at the top.@VisitQatar #LegendsLeagueCricket #SkyexchnetLLCMasters #LLCT20 #YahanSabBossHain pic.twitter.com/XSHt2svlBK

— Legends League Cricket (@llct20) March 14, 2023